AWLIYAALLAH POST

Hazrat Maulana Sardaar Ahmad rahmatullāhi alaihi :
♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦
Alqaab :
‾‾‾‾‾‾‾‾
Mohaddees e aazam e Pakistan, Bahr-ul-uloom.
****************
Aap ki wilaadat 1329 Hijri (1911 A.D.) me Diyal Garh,
Gurdaspur me hui.
Aap ke waalid zameendaar the aur bahot ameer the.
*****************
Apne watan me Matric ki padhai puri karne ke baad aap
aage padhai ke liye Lahore gaye. Waha ek jalse me aap ko
Hazrat Hujjat-ul-Islaam Muhammad Haamid Raza Khan
rahmatullāhi alaihi se mulaaqat ka mauqa mila. Hazrat ki
nigaah e faiz se aap ke dil ka aalam badal gaya. Aur Lahore
University se F.A. ki padhai mukammal karne ke baad
Daar-ul-Uloom Mazhar e Islaam Bareilly me daakhil hue.
Waha aap ne Hazrat Hujjat-ul-Islaam Muhammad Haamid
Raza Khan rahmatullāhi alaihi ki khaas nigaraani me 3 saal
tak taalim haasil ki.
Aap Maulana Hasan Raza rahmatullāhi alaihi ke saath
Ajmer gaye aur waha Madrassa Moeeniya Usmaaniya me
Hazrat Sadr-ush-Shariah Mufti Amjad Ali Aazmi
rahmatullāhi alaihi se taalim aur faiz haasil kiya.
1351 Hijri (1933 A.D.) me Hazrat Sadr-ush-Shariah Mufti
Amjad Ali Aazmi Ajmer se Bareilly aaye tab unho ne aap ko
Daar-ul-Uloom Mazhar e Islaam me Mudarris banaaya.
3 saal baad Hazrat Sadr-ush-Shariah Bareilly se Dadu
(Aligadh) gaye tab un ke badle aap ko Daar-ul-Uloom
Mazhar e Islaam ka Sadr-ul-Mudarriseen banaaya gaya.
1355 Hijri (1937 A.D.) me aap ki koshish se Daar-ul-Uloom
Mazhar e Islaam ki tajdid ka kaam mukammal hua.
Aazadi ke baad aap Lahore tashreef gaye.
1355 Hijri (1949 A.D.) me Huzoor Mufti e aazam e Hind
rahmatullāhi alaihi ke mashware par aap Faislabad me
Muhalla Sunnatpura tashreef gaye.
Aap ki mehnat aur faiz se Jaamia Razwia Mazhar e Islaam
ki bunyaad rakhi gai.
Aap Ilm e Hadees aur dusre uloom ke maahir the aur 25
saal ke dauraan taqreeban 700 talba ne aap se hadees ki
taalim haasil ki. Aap Ahadees ki tamaam kitaabo ka dars
dete. Aur logo ko Sunnato aur Hadees par amal karne ki
taalim dete.
****************
Ek martaba ‘Tahzir-un-Naas’ ke mauzu par Maulana Shibli
Nomani (Deobandi) ke saath aap ne munaazara kiya jis me
Maulana Shibli Nomani ki shikast hui.
****************
Aap ke mash'hoor shaagird :
(1) Shaikh-ul-Hadees Ghulaam Rasool Razwi;
(2) Faqeeh-e-Aazam e Hind Mufti Sharif-ul-Haq Amjadi;
(3) Mawlana Tehsin Raza Khan Bareilwi;
(4) Allama Abdul Mustafa Azhari;
(5) Mufti Abdul Qayyoom Hazarwi;
(6) Allama Abul Hasanat Muhammad Ashraf Siyalwi;
(7) Haafiz-e-Bukhari Allama Sayyed Muhammad Jalaal-
ud-deen;
(8) Munaazir e Ahle Sunnat Maulana Inaayatullāh Shaah;
(9) Maulana Mukhtaar-ul-Haq Siddeeqi;
(10) Abul Ma’ani Muhammad Mueen-ud-deen Shafi’I;
(11) Mufti Muhammad Ameen;
(12) Mawlana Sayyed Muhammad Haseen-ud-deen Shaah;
(13) Allama Faiz Ahmad Uwaisi;
(14) Mufti Mujeeb-ul-Islaam Aazmi;
(15) Allama Abdul Qaadir Ahmadabadi;
(16) Maulana Abu Daawūd Muhammad Saadiq;
(17) Maulana Ghulaam Rasool Saeedi Samundri;
(18) Allama Abdul Mustafa Aazmi;
(19) Mawlana Ehsaan-ul-Haq Faisalabadi;
(20) Maulana Muhammad Ibrāheem Khushtar Siddeeqi
Qaadri Razwi.
****************
Aap Aala Hazrat Imaam Ahmad Raza Khan rahmatullāhi
alaihi ki bahot izzat karte the aur Bareilly ko hamesha
‘Bareilly Shareef’ kehte.
1362 Hijri (1943 A.D) me Hujjat-ul-Islaam Muhammad
Haamid Raza Khan rahmatullāhi alaihi ka wisaal hua to
Hazrat ki wasiyat ke mutaabiq aap ne un ki namaaz e
janaaza padhai aur tadfeen me bhi saamil hue.
***************
Aap ke 2 saahabzaade hain :
(1) Fazl-e-Rasool Haidar
(2) Muhammad Fazal Kareem.
****************
Aap Hazrat Sadr-ush-Shariah Mufti Amjad Ali Aazmi
rahmatullāhi alaihi ke mureed aur khalifa hain.
Hazrat Hujjat-ul-Islaam Muhammad Haamid Raza Khan
rahmatullāhi alaihi ne bhi aap ko khilaafat ata farmai hai.
Aap ke khulfa :
(1) Hazrat Qaazi Fazl-e-Rasool Haidar Razawi
rahmatullāhi alaihi,
(2) Hazrat Maulana Muhammad Ibrāheem Khushtar
Siddeeqi rahmatullāhi alaihi.
****************
Aap ka wisaal 1 Sha’abaan 1384 Hijri (December 1964
A.D.) ko hua.
Aap ka mazaar Faisalabad (Pakistan) me hai.
****************
ALLĀH ta’ala us ke Habeeb sallallāhu alaihi wa sallam ke
sadqe me
Aur Hazrat Mohaddees e aazam e Pakistan Maulana
Sardaar Ahmad rahmatullāhi alaihi aur tamaam Auliya Allāh
ke waseele se
Sab ko mukammal ishq e Rasool ata farmae aur Sab ke
Eimaan ki hifaazat farmae aur Sab ko nek amal karne ki
taufiq ata farmae.
Aur Sab ko dunya wa aakhirat me kaamyaabi ata farmae
aur Sab ki nek jaa'iz muraado ko puri farmae.
Aameen.


Join whatsapp group :-9096751100