+
HADEES KE DUSHMAN
PART : 17
MISAL NO.10
Tamam Insano Ki Salah Wa Falah Huzoor Ki Itteba Me Hai, 4 Imamo Ki Taqleed Dar Haqiqat Huzoor Ki Hadees Ka Itteba Hai Chunki Ye Aimmah E Deen, Quran O Hadees Ke Ziydah Janne Wale Uska Maana Wa Mafaheem Ko Sahi Samajhne Wale Hain...
Ahlehadees (Gair Muqallideen/La Mazhab) Jo Kisi Imam Ki Taqleed Nahi Karte Aur Direct Quran Hadees Pe Chalne Ki Dawat Dete Hain Zara Unka Haal Bhi Dekhen Kis Qadar Hadees Ke Mutabiq Hai...
HADEES
✔HAQ✔
1-Hazrat Ibne Umar Kehte Hain Huzoor Ne Farmaya Jisne Wazu Kiya Aur Allah Ka Naam Pukara Ye Uske Saare Badan Ki Taharat Hai Aur Jisne Wazu Me Allah Ka Naam Nahi Liya Ye Sirf Uske Aazaye Wazu Ki Taharat Hai
(Dare Qutni, Jild-1, Page-74)
2- Imam Hasan Basri Farmate Hai Jab Koi
Wazu Kare To Bismillah Padhe Aur Na Padhe Tab Bhi Wazu Hu Gaya
{Musannaf Ibe Abi Shaibah, Volume-1, Page-30}
Gair Muqallid Aalim Muhammad Khalid Aur Mufti Abdus Sattar Likhta Hai
AHLE HADEES
BATIL
1- Jo Bismillah Nahi Padhta Uska Wazu Nahi Hota.
{Salatun Nabi, Page-68}
2- Bagair Bismillah Ke Wazu Nahi
{Fatawa Sattariyah, Jild-2, Page-19}
Imam Ke Piche Sure Fatiha Ke Bina Namaz Nahi Hoti Aur Bina Bismillah Ke Wazu Nahi Hota Inke Ye Saare Fatawe Khilafe Hadees Hai...
Ye Log Ahlehadees Hi Hai Ya Hadees Ke
Dushman Dekh Le...
JOIN SUNNI WHATSAPP GROUP :-9096751100
Gair Muqallideen Ki Taraf Se Kiye Gaye 50 Sawalo Ke Jawab
≫Kam Ilmi Aur Bad-fehmi Ki Buniyad Per Gair Muqallideen Ke Zehn Mein Paida Hone Wale Aur Un Ki Taraf Se Kiye Gaye 50 Sawalo ke Jawabaat≪
∗Mulahiza Farmaye∗
⇩50 SAWAALAT APNE AAP SE⇩
1. Taqleed kise kahte hai?
⇨ Istimbati Masail Ko Ijtihadan Hal Kar Lene Wale Yaani Ulul-Amr Ki Ita’at Ko Istilah Mein Taqleed Kehte Hain.
2.Taqleed zaruri kyun ?
⇨ Gair Mujtahid Ke Liye Bhi Kitab-O-Sunnat Ke Gair Mansoos Masail Per Amal Zaroori Hai, Choonki Woh Mujtahid Nahi Is Liye Kitab O Sunnat Ke Un Masail Per Amal Karne Ke Liye Use Mujtahid Ki Ita’at Wa Taqleed Karna Zaroori Hai.
3.Taqleed kiski zaroori hai ?
⇨ Gair Muqallideen Ki Tarah Us Ke Jaahil, Khaain Aur Bad-Fehm Ulama Ki Andhi Taqleed Ke Bajaye Quran Kareem Ke Sareeh Ahkaamaat Ki Paasdari Mein Mujtahideen, Ahle Zikr, Wa Ahle Istimbat, Ahle Baseerat Fuqaha O Aimma Ki Taqleed Zarooroli Hai.
4.Kyun mai Hanafi hoon?
5.Kyun mai Maliki hoon?
6.Kyun mai Shafaee hoon?
7.Kyun mai Hambali hoon?
⇨ Kitab O Sunnat Ke Ghair Mansoos Masail Per Ijtihadan Ya Taqleedan Hi Amal Ho Sakta Hai Gair Muqallid Ban Kar Hargiz Nahi.
Imam Abu Hanifa, Imam Malik, Imam Shafai Aur Imam Ahmed Bin Hanbal Rahimahumullah Mujtahid Hain Is Liye Muqallid Nahi.
Hamein Bhi Kitab O Sunnat Ke Gair Mansoos Masail Per Amal Karne Ka Mukallaf Banaya Gaya Hai Lekin Ham Mujtahid Nahi Ke Ijtihadan Un Masail Per Amal Paira Hojaye Is Liye Ham Mujtahideen Ke Ijtihad Ko Tasleem Karke Un Masail Par Amal Karte Hain Ham Mein Ka Jo Shakhs Jis Mujtahid Ke Masail Ko Amalan Tasleem Karta Hai Woh Usi Ki Taraf Mansoob Kar Diya Jata Hai Aur Hanafi, Shafai, Maliki Aur Hanbali Kehlata Hai.
8.Kya taqleed karna farz hai ?
⇨ Allah Taala Ne Hamein Ulul-Amr Ki Ita’at Ka, Masail Ke Hal Ke Liye Ahle Istimbat Ki Taraf Ruju Karne Ka, Ahle Zikr Se Sawal Ka, Muneeb Ki Ittiba’ Ka Sareeh Hukm Diya Hai.
Ulul-amr Ki Ita’at Ka Naam Taqleed Hai.
Ahle Istimbat Ki Taraf Rujoo Ho Jane Ka Naam Taqleed Hai.
Muneeb Ki Ittiba’ Ka Naam Taqleed Hai.
Ahle Zikr Se Sawal Ka Naam Taqleed Hai.
Kya Allah Taala Ke Darj-e-Baala Ahkaamaat Ki Paasdari Karna Ham Par Farz Nahi?
Gair Muqallid Hi Bata Dein To Behtar Hoga.
Ham Kahenge To Shikayat Hogi.
9.Taqleed kab tak karna zaruri hai ?
⇨ Jab Tak Koi Shakhs Gair Muqallid Ki Bajaye Mujtahid Na Ban Jaye.
10. Jab Eisa A.S. is duniya me fir se NAZIL honge in 4 Imaamo se kis ki TAQLID karenge ??? Eisa A.S. jis Imaam ki TAQLID karenge wo Imaam HAQ par hoga kyunke Eisa(A.S.) Allah ke Rasool hain.
⇨ Gair Muqallid Sabit Kar Dein Ke Eisa A.S. mein Ijtihad Ki Salahiyyat Nahi Hogi To Ham Bata Deinge Ki Eisa A.S. kis ke Muqallid honge.
Sahi Hai….
Shokaani Se Le Kar Albani Tak,
Galli Se Le Kar Dilli Tak,
Shaikhul Hadees Jamia Salafiya Banaras Peshawar Abu Zaid Be Zameer Se Le Kar Markazi Jamee’at (Al-Juhala Wal Khaaineen) Gair Muqallido Ke Sadar Dr. Naik Tak Dekh Lijiye Sab Mein Bad Fehmi Milegi.
11. 4 Imaamo se kisi 1 ki TAQLID karne ka HUKM kisne diya…
ALLAH ne?
RASOOL ne?
Khud in 4 Immamo ne?
Ya Aaj ke Maulviyo ne?
⇨ Fee Nafsihi Ek Per Kayi Aimma Ki Taqleed Maqsood Wa Matloob Nahi, Balki Kitab O Sunnat Ke Ghair Mansoos Masail Per Istimbatan Ya Bazahir Muta’riz Umoor Mein Kisi Ek Per Tarjeehan Amal Karna Maqsood Hai Jo Ke Har Kis Wa Naqis(Na Ahl) Ka Kaam Nahi Is Liye Yaha Jo Na Ahl Hai Woh Ahl (Qabil) Ki Ita’at Wa Taqleed Kar Raha Hai, Ab Yaha Us Na-Ahl Ko Is Ka Mukallaf Banana Ki Wo Charo Aimma Ke Jin Masail Ko Aqrab-Un-Nusoos (Quran O Sunnat Ke Qareeb) Paye us per Amal Karle Ya Bainal Aimmah Mukhtalif Feeh Masail Mein Se Kisi Ek Per Tarjeehan Amal Karle, Takleef Maal Eitaaq ke Qabeel Se Hai,
Haan Wo Afraad Jo Ilm O Fehm Ki Buniyad Per Ashaab-e-Tarjeeh Ke Darje Tak Pahunche Hain Wo Zaroor tehqeeqan Charo Ke Masail Aqrab Ilal Kitab Wa Sunnat Hone Ki Buniyad Per Ikhtiyar Karein Aur Dusre afrad un ki nigrani mein un masail per amal karein ab ye ashaab-e-tarjeeh ke Rajeh kiye hue masail is ke apne imam ke hi masail kehlayege.
Yahi Ahle Sunnat Wal Jamaat Ke Masaalike Arba’ ka Ma’amool hai ke un mein se koi bhi Apne Imam Ke Ghair Mufta Bihi Aqwal Per Aamil Nahi.
Is Liye Ahle Baseerat Is Haqeeqat Se Khoob Waqif Hain ke Hamara Apne Aap Ko Hanafi, Maliki, Shafai Aur Hanbali Kehlwana Fard Wahid Ke Taqleed Ki Buniyad Per Nahi Balki Mazhabe Mueen Ki Ittiba’ Ki Buniyad Per Hai Aur Isi Ka Naam Taqleed-e-Shakhsi Hai.
12. Islam me sirf 4 tarah ke HUKM hai:-
FARZ, WAJIB, SUNNAT AUR NAFIL.
To fir in 4 se kisi 1 ki TAQLID karna kya Hai?
Farz hai…?
Wajib hai…?
Sunnat hai…?
Nafil hai….?
Agar NAFIL hai to fir apke liye FARZ kaise ban gaya???
⇨ Taqleed Hamare Yaha Farz To Nahi, Ulul-Amr ki Ittiba’ Wa Taqleed Karna Wajib Hai,
Chaliye Yaha Aapne Kam Az Kam Nafil Maan Kar Is Baat Ka Iqrar Kar Hi Liya Ke Taqleed-e-Aimma Ko Shirk Wa Haraam Kehne Wale Ghair Muqallid Jhoote Aur Dhoke Baaz Hain.
13.Sahaba kaun the???
Hanafi, Maliki, Shafai ya Hambali???
⇨ Nahi Nahi Hargiz Nahi,
Woh To Salafi The,
Samrodi The,
Ghuraba The,
Jama’atul Muslimeen The Tabhi To Aap Log Salafi Samrodi Ghuraba Jamatul Muslimeen Masoodi Wagerah Ho Bad Fehmo!
Aap Bukhari, Muslim, Abu Dawood, Tirmizi Wagerah Ki Hadees Padhte Ho Batao Sahaba Ne In Ki Hadees Padhi Thi?
Aap Imam Hafs Aur Qari Aasim Koofi Ki Riwayate Qirat Ko Apna Kar Quran Padhte Ho Batao Sahaba Ne Un Ki Riwayate Qirat Ko Apnaya Tha Ya Nahi?
Agar Nahi To Aap Kyun Apnate Ho?
Agar Yaha Ye Tamam Nisbat Tadween Ki Buniyad Per Hain To Yahi Buniyad Fiqhi Masail Mein Kyun Samajh Mein Nahi Aati?
14.Kya sahaba (R) me se koi 1 sahabi is kaabil nahi tha ke unko apna Imam bana diya jaaye??
⇨ Aimma Ho Ya Sahaba… Har Ko Imam Banana Aur Un Ki Ita’at O Ittiba Karna Taqleeedan Hi Mumkin Hai Gair Muqallid Ban kar Hargiz Nahi…
Ham Ne Gair Muqallid Ki Tarah Sahaba Ki Mukhalifat Karne Ke Bajaye Ijmai Masail Mein Khulafa e Rashideen Samet Har Har Sahabi Ki Taqleed Ki Hai, Aur Mansoosah, Muta’aariza, Ghair Ijmai Masail Mein Bhi Sahaba Hi Ke Kisi Giroh Ki Mujtahid Ke Zariye Taqleed Ki Hai, Ahle Baseerat Is Baat se Khoob Waqif Hain.
15.Sahaba ka DARJA bada hai ya baad wale UMMATIYO ka? ?? fir unme se koi Imaam kyun nahi bana???
⇨ Upar 14 Number Wala Jawab Padh Lo, Samajh Mein Aa Gaya To Gair Muqallidiyat Chhod Do Agar Nahi Samjha To Ek Hi Sawal Baar Baar Dohrate Hue “Gair Muqallidiyat Zindabad, Himaqat Zindabad, Bad Fehmi Zindabad” Ke Naare Lagate Raho.
16. Ham to 4 Imamo mante Hain lekin Shia to 12 Imamo ko mante hai to fir ham unko GUMRAAH kyun kahte Hain?
⇨ Jhoot Mat Boliye Aap Kisi Imam Ko Nahi Mante,
Aap To Zakir Naik, Abu Zaid Zameer, Meraj Rabbani, Tauseefur Rehman, Talibur Rehman Aur Jalaluddin Jaise Jahil Aur Khaain Parcharako Ke Muqallid Ho,
Haan Ham Charo Aimma Ko Mante Hain Aur Shia 12 Ko Imam Batata Hai Lekin, Ham Apne Aimma Ko Shia Ki Tarah Shareeat Saaz Aur Shareeat Daan Nahi Maante Balki Qanoon Saaz Qanoon Daan Mante Hain, Ham Jab Apne Imam Ki Taqleed Karte Hain To Ba-Haisiyat Shaare’ (شارع) (Yani Shareeat Banane Wala Nahi) Nahi Balki Ba-Haisiyat Shaareh ( شارح) (Yaani Tashreeh Karne Wala Maan Kar Taqleed) Karte Hain Alhamdulillah.
17.Kya in 4 Imaamo se kisi 1 Imaam ka naam Quran wa Hadees me aayaa hai ?
⇨ Jis Tarah Qirat Ke Aimma Ke Naam Kitab O Sunnat Mein Nahi Hadees Ke Aimma Ka Naam Kitabo Sunnat Mein Nahi Isi Tarah Fiqah Ke Aimma Ke Naam Ki Kitab O Sunnat Mein Sarahat Nahi, Allah Ta’ala Ne Hamein Aurato Se Nikah Ka Hukm Diya Hai Lekin Jis Aurat Se Nikah Ho Raha Hai Us Ka Naam Kitabo Sunnat Mein Nahi.
18.Jo log in 4 Imam paida hone se pahle MARR (death) chuke unka kya hoga???
⇧ Jis Tarah Imam Hafs Aur Qari Aasim Koofi Se Pehle Quran Padhane Wale Aur Padhne Wale Maujood The,
Aur Imam Bukhari, Imam Muslim Rahimahullah Se Pehle Hadees Padhne Aur Padhane Wale Maujood The Isi Tarah Aimma E Arba Se Pehle Bhi Kitabo Sunnat Se Fiqhi Masail Ka Istimbat Karne Wale Mujtahid Aur Un Masail Mein Un Mujtahideen Ki Sun Kar Amal Karne Wale Muqallideen Maujood The, Us Daur Mein Kisi Ek Ke Bare Mein Sabit Nahi Woh Ijmai Masail Ka Munkir Aur Ghair Muqallid Ho
19.In 4 Imaamo ke WALIDAIN (parents) kis Imaam ki TAQLID karte the???
⇨ Un Ke Zamane Mein Bhi Ijtihadi Masail The,
Mujtahideen The, Iman Ghazzali Rh.a. Ki Al-Mustasfa Dekhiye Makkah Mein, Madina Mein, Koofa Mein Sham Mein, Har Bade Islami Shehar Mein Un Mujtahideen Ka Naam Bataya Hai Jinki Log Taqleed Karte The.
Aap Poori Al-Mustasfa Padh Daaliye Kaheen Bhi Ghuraba, Salafi, Samroodi Ghair Muqallid Ka Naam Tak Nahi Liya Hazrat Imam Ghazali Rh.a. Ne, Aap Logo Ka Wujood Hi Nahi Tha To Naam Kaise Lete?
20.Imam Abu Hanifa (R),Imam Malik (R), Imam Shafai (R) aur Imam Hambal kaunse Imam ko maante the?
⇨ “Gul Gaye Gulshan Gaye Jungli Dhatoore Reh Gaye,
Aqal Wale Chal Base Be Sha’oor Reh Gaye.”
Mujtahid Ijtihad Karega Ya Taqleed?
21. Agar mai ek Imaam ko manta hoon to kya baaki Imaam haq par nahi hai?
⇨ Kyun?
Kya Kisi Ek Nabi Ki Pairvi Dusre Anbiya Ka Inkar Hai?
22.Agar sab Imaam haq par hai to fir mai ek Imaam ke pichhe hi kyun ?
⇨ Tarjeehi Buniyad Per Ek Hi Ki Taqleed Mumkin Hai Aap Aisa Karein Ke Ek Waqt Mein Har Har Masle Mein 2 Imam Ki Taqleed Kar Liya Karein,
Ek Hi Namaz Mein Ek Ki Taqleed Kar Ke Rafa Yadain Bhi Karein Aur Dusre Ki Taqleed Kar Ke Tark Bhi Kar Diya Karein, Gair Muqallidiyat Ka Asli Maza Aajayega,
Ek Imam Ki Ittiba Mein Aameen Bil Jehr Aur Dusre Ki Ittiba Mein Aameen Bis Sirr (Yani Aahista Aameen) Keh Liya Karein, Bad Fehmi Apne Jaah O Jalaal Samet Nazar Aayegi,
Aur agar Aisa Nahi Balki Ahl Ban Kar Tarjeehan Ya Ahl Ki Sun Kar Taqleedan Amal Karna Maqsood Hai To Ham Ahle Sunnat Wal Jamat Masalike Arba (4 Imamo Ka Tareeqa) Ka Har Fard Yahi Kar Raha Hai, Gair Muqallideen Ko Is Ki Taufeeq Nahi.
Wo To Na-Ahl Ho Kar Select Karta Hai Aur Na Ahl Balki Bad Fehm Ki Sun Kar Amal Krta Hai.
23.4 Imaam ek dusre ke USTAD-SHAGIRD the to fir inki FIQH alag lag kyun???
⇨ Ye Kis Pagal Ne Aap Ko Bataya Ki Ustad Wa Shagird Hone Ki Buniyad Per Ek Hi Fiqah Hona Chahiye?
Asal Mein Samajh To Hai Nahi Aap Ke Paas Aur Dimagh Waha Laga Rahe Ho Jaha Lagane Ki Jagah Bhi Nahi,
Bhai Naam Nihad Hi Sahi Ahle Hadees To Bane Raho, Apne Bade Bhai Naam Nihad Ahle Quran Ke Paas Mat Chale Jana, Warna Wo Aapke Chiriya(Bird) Jaise Bheje Mein Yeh Bhar Dega ki Kutube Sittah (Yani Hadees Ki Badi 6 Kitabo) Ke Musannifeen (Writers/Likhne Wale) Jab Ek Dusre Ke Ustad Wa Shagird Hain To Un Ko Alag Alag Kitabe Likhne Ki Zaroorat Kyun Padi?
Aur Aap Apni Badfehmi Ke Nateeje Mein Muhaddiseeb Se Dushmani Ikhtiyar Kar Ke Munkire Hadees Ban Jaoge.
Allah Hifazat Farmaye.
24.Agar sab Imam haq par hai to fir inke andar apas me ikhtelaaf kyun ?
⇨ Sab Aimma Sahaba Ki Ijmai Masail Per Mujtama’ (Yani Muttafiq) Hain Aur Ikhtilafi wa Furoo’i Muaamlat Mein Sahaba Ke Hudoode Ikhtilaf Mein Reh kar Mukhtalif Hain Yani Jaha Jaha Sahaba Muttafiq Waha Waha Aimma Muttafiq Aur Jaha Jaha Sahaba Mukhtalif Waha Waha Aimma Mukhtalif…
Ab Yaha Ye Sawal Mat Kar Dena Ki Jab Tamam Sahaba Haq Per Hain to Unke Darmiyan Ikhtilaf Kyun?
Haan Aap Hamein Bataiye Ki Tamam Anbiya Ki Shariat Mein Halal Aur Haram Ka Ikhtilaf Hai Lekin Sab Haq Per Kyun Hain?
25.In 4 Imaamo se baaki 3 Imaamo ki apni likhi hui KITABE aj bhi maujud hai lekin Abu Hanifa (R) ne likhi hui KITAB ka naam kya hai…??? Yeh kitab Hanafi Masjido me kyun nahi padhi aati???
⇨ Lo, Karlo Baat.
Musnade Imame Aazam Muqeem Faizi Ne Likha Hai Shayad Aur Fiqhul Akbar Dr. Zakir Naik Ne?
Kyun?
Jis Imam Ka Muqallid Ho Usi ki Kitab Apni Masjid Mein Padhna Zaroori Hai Kya?
Maaliki Apni Masaajid Mein Muatta,
Shawafe Apni Masajid Mein Kitabul Aam
Hanaabila Apni Masajid Mein Musnade Ahmed Ibn Hanbal Padhte Hain Ya Nahi?
Agar Haan To Phir Ahnaf Ko Un Ki Masajid Mein Musnade Imam Aazam Padhwane Ke Liye Aamadah Karna Durust Hai, Agar Nahi To Phir Aapka Ye Sawal Fizool Hai,
Aur Haan Janabe Wala Aimma Ke Muqallideen Se Ye Kehte Hue Nahi Thakte Ki Hamare Imam Muhammad Mustafa Sallallahu Alayhi Wasallam Hain To Aap Apni Masajid Mein Zaroor Allah Ke Rasool Ki Likhi Hui Hadees Ki Kitab Padhte Honge?
26. Agar Imaam ko nahi maan’na gunah hai, to ek Imaam ko maan’ne se dusre 3 Imaam chhut’ jaate hai, iska gunah mere sar par kyun ?
⇨ Ye Sawal Bhi Kam Ilmi Aur Bad-Fehmi Ki Paidawar Hai,
Kisi Ko Tarjeeh Dena Marjooh Ki Tardeed Hai To Sabit Karein Taaki Aap Ka Sawal Durust Kehlaye,
Kya Ek Nabi Ko Manna Dusre Nabiyo Ka Inkar Kehlata Hai?
27. Jab Imaamo ne bhi apne aapko Hanafee, Shaafaee, Maliki ya Hambali aise nisbaton se nahi joda, to phir mai kyun apne aapko aisi nisbato se jodta/jodti hoon?
⇨ Un Aimma Ne Apne Naam Ke Sath Salafi Samroodi Ghuraba Nisbat Lagayi Thi Na? Tabhi To Aap Log Ye Nisbat Laga Rahe Hain?
Masla Batane Aur Manne ki buniyad Per sahaba karam Rz.a. Mein As’haabe Ali Rz.a. Aur As’haabe Abdullah Ibn Masood Rz.a. Nisbat Lagana Sabit Hai,
Aur Un Hi Buniyado Per Fuqaha Ke Istinbat Ko Manne Ki Wajah Se Ham Mein Se Koi Hanafi, Koi Shafai, Koi Maliki aur Koi Hanbali Kehlate Hain.
28.Kya hamare Imaam ne humse kaha hai ki sirf meri hi taqleed karna aur mere alaawa kisiki bhi taqleed na karna ?
⇨ Aap ke Kaunse Imam? Aap To Huwa O Hawas KI Ghulaami Ikhtiyat Kiye hue Hain,
Ham Un Ulul Amr Aimma e Fuqaha Ki Iqtida Mein “Ya Ayyuhal Lazeena Aamanu Atee’ullaha Wa Atee’ur Rasool Wa Ulil Amri Minkum”
«یا ایھا اللذین اٰمنوا اطیعوا اللہ و اطیعواالرسول واولی الامر منکم»
ke Sareeh Hukm Ki Paasdaari Mein Kar Rahe Hain Aur Ashaabe Tarjeeh Ki Nigraani Mein Ye Taqleed Mukhtalif Aimma Ki Shumooliyat Apne Andar Rakhti Hai Upar Waazeh Kar Diya Gaya Hai Ke Taqleed Shakhsi Ka Matlab Farde Wahid Ki Nahi Mazhabe Mueen Ki Taqleed Hai
29.Kya mera MANHAJ (raasta) wahi hai jo mere Imaam ka tha ?
⇨ Aap Ka To Hargiz Nahi,
Kyuki Aap Samajhte Bhi Nahi Aur Sunte Bhi Nahi,
Muqallid Bhi Nahi.
Mujtahid Bhi Nahi,
Haan Hamara To Bilkul Wahi Raasta Hai,
Kitab-O-Sunnat Ka Manhaj Us Ke Mansoos Wa Gair Mansoos Mas’ale Per Amal Karne Ka Jazba
Har Wo Mas’ala Jis Per Mujtahid Ijtihadan Amal Karta Hai,
Muqallid Taqleedan Amal Pera Hota Hai,
Yaani Mujtahid Ijtihaadan Aur Muqallid Taqleedan Kitabo Sunnat Ke Masail Per Aamil Aur Us Per Gaamzan Hai,
Dekhne Wala Dekh Sakta Hai,
Ba Sharte ke Taassub Aur Badfehmi Ki Ainak(Chashma) Na Lagi Ho,
30.Mai apne Imaam ke baare me kitna jaanta hoon ?
⇨ Aapka Koi Imam Hi Nahi Aap Kya Jaanenge?
Haan Hamare Imam Bhi Hain Aur Ham Unhe Jaante Bhi Hain, Woh Aaqil Bhi Hain Aur Raahe Hidayat Ke Raahi Bhi Hain,
Kitabo Sunnat Ke Khilaf Kuch Karne Aur Batane Ke Bajaye Woh Kitabo Sunnat Ke Halaal Ko Halaal Aur Haraam Ko Haraam Waazeh Karne Wale Hain,
Woh Shareeat Saaz Nahi Shareeat Daan Hain.
31.Kitni kitaabe ab tak maine ya mere gharwalo ne apne Imaam ki padhi hai? (zaraa sochiye)
⇨ Aap Kya Padhenge? Aap To Aimma Ko Gumrah, Firqa Bandi Karne Wale Aur Na Jaane Kya Kya Kehte Ho,
Reh Gayi Hamari Baat To Ham Aap Rozana Jaame-Ul-Masaaneed Se Ek Ek Riwayat Send Kareinge Aur Dekhenge Ki Aap Ahle Hadees Ho Ya Munkire Hadees?
Saath Aapko Ye Bhi Pata Chal Jayega Ke Ham Imam Aazam Ki Kitab Ka Kitna Muta’ala Karte Hain.
32. KABR me FARISHTE kya mujse yeh sawaal puchhenge ki bataa tera Imaam kaun tha ?
⇨ Nahi Shayad Ye Poochenge Ki Ghair Muqallid Bana Tha Ya Nahi, Salafi Ghuraba Ban Kar Masjido Mein Raf’ul Yadain Aur Tark Raf’ul Yadain Ka Parchaar Karke Jhagda Karwaya Tha Ya Nahi?
Apni Bad-Fehmi Ka Tehqeeq Ke Naam Per Parchaar Kiya Tha Ya Nahi?
Janaab! Jab Karna Wahi Hai Jo Qabr Mein Poochha Jayega To Kya Qabr Mein Ye Sawal Hoga Ki Kya Namaz Padha Tha?
Roza Rakha Tha?
Zakat Diya Tha?
Hajj Kiya Tha?
Agar Nahi Poochha Jayega To Chhod Dijiye Unhe Bhi.
33. Qayamat ke din kya mujse yeh sawaal kiya jaaega-bataa tera Imaam kaun tha ?
aur tu kiski taqleed karta tha ?
⇨ Har Momin Kitabo Sunnat Ke Ghair Mansoos Masail Per Amal Ka Mukallaf Hai Ya Nahi?
Is Baare Mein Qayamat Mein Sawal Hoga Ya Chhod Diya Jayega?
Agar Poocha Jaye To Ab Un Masail Per Ijtihaadan Ya Taqleedan Hi Amal Ho Sakta Hai Gair Muqallid Ban Kar Nahi,
Allah Na Kare Warna Waha To Aise Bad Fehm Logo Ka Qaul Yahi Sabit Hai Ke Woh Jahannam Mein Jaate Hue Keh Rahe Honge Ke Kaash Ham Sunte Hote Ya Samajhte Hote.
34.KABR me ya Qiyamat ke din baaki 3 Imaam ke bare me kya jawab dunga ?
⇨ Koi Yaha Gair Muqallideen Ki Tarah Un Per Laan Taan Karega To Zaroor Qayamat Ke Din Poochha Aur Pakda Jayega.
35.Agar maine apne Imaam ka naam bata bhi diya, or agar mujhse ye sawaal ho gaya ke sirf is Imaam (maslan Imaam Shafaee) ki hi taqleed ko kyun chuna, to iska mai kya jawaab dunga?
⇨ Pehle Maano To Phir Sawal Ki Baat Hogi,
Aur Haan Kya Ye Sawal Bukhari Ki Riwayat Mein Hai Ke Muqallido Se Sawal Hoga Ke Sirf Ek Hi Imam Ki Taqleed Kyu ki?
Ya Muslim Ki Riwayat Mein Hai Ya Ye Sawal Markazi Jameeat Ghair Muqallido Ke Jaahilo Aur Ahmeqo Ki Bad Fehmi Ki Paidawaar Hai?
36.Kya meri, ya mere waidain (parents) ki, ya mere ulmaao ki itni haisiyat hai ki woh yeh faisala kar saken ki kis Imaam ko mana jaae aur kisko chhodh diya jaye ?
⇨ Haisiyat Kaise Maapi Jayegi Paimana Batao,
Apne Jaahil Walidain Aur Khaain Ulama Per Nazar Rakhoge To Aise Hi Sawal Paida Honge,
Chhodo Unhe,
Ulama E Haq Ki Nigrani Mein Deen Per Amal Karo,
Warna Aise Hi Dagmagate Aur Dolte Rahoge To Muhammad Ahsan Amrohwi, Masood Ahmed B.Sc, Chakadalvi Jaisa Kahi Bhi Khaai Mein Gir Jaoge
37.kya yeh log Imaam se zyada taqwe waale aur ilm waale hai ?
⇨ Jab Ye Unhe Apna Imam Tasleem Kar Rahe Hain to Khud Is Baat Ka Aitraf Hai Ke Ye Imam Hi Ilm Aur Taqwa Mein In Se Bade Hain,
38.Aur 1 khaas sawaal ye hai ki jab ye Imaam nahi the to musalmaan kis ki taqleed karte the ?
⇨ Sawal N. 18 Aur 19 Se Bhi Aap Yahi Khaas Sawal Mafhoom Hota Hai, Jawab Wahi Mulahiza Farma Lijiye.
39.Bhaiyo agar aap ke paas in sawalo ke jawab nahi hai to maaf karna, aap na to Hanafi hai, na Shafaee, na Maliki, aur na Hambli, Aur shayad aapko yeh bhi nahi pata, ke aap kya hai?
⇨ Jawab Upar Mulahiza Farma Liya Hoga Aapne…..
Haan Is Sawal Se Ye To Samajh Mein Aa Gaya Ke Aap Ko Kuch Pata Nahi Hai aur Shayad Ye Pata Nahi Ki Aapko Kuch Pata Nahi Isi Liye To Aap Gair Muqallid Ho.
Aur kuchh sawalaat….
Kijiye Sawal…… Gair Muqallidiyat To Khud Ek Sawaliya Nishaan Hai…
40.Wo kaunsa Imam hoga jo Allah ke aage hamari sifarish ke liye sajde me jayega ?
⇨ Imam Albani,
Imam Shaukaani,
Imam Muhammad Juna Gadhi,
Shaikhul Kul Filkul Alaalkul Bilkul Nahi Balki Imamul Anbiya Khaatimul Anbiya Hazrat Muhammad Mustafa Sallallahu Alayhi Wa Sallam Honge.
41.Wo kaunsa Imam hoga jiski sifarish hamare haq me Allah qubool karega ?
⇨ Sab Se Pehle To Allah Ke Aakhiri Paighambar Hazrat Muhammad Sallallahu Alayhi Wasallam Shafa’at Kareinge Phir Ye Silsila Daraaz Hoga Aur Taqreeban Har Nekokaar Shifa’at Karega… Insha Allah
42.Wo kaunsa Imam hoga jo Hauze-e-Kausar par khada hoga ?
⇨ Imam, Nabiyo Ke Muqable Mein Keh Rahe ho Ya Mujtahid Ke?
Agar Anbiya Ke Muqable Mein Keh rhe Ho tab To Sawal Theek hai,
aur Agar Mujtahideen ke Muqable mein keh rhe ho to Ye Sawal Allah Ke Nabi Sallallahu Alayhi Wasallam ki Shaan Mein Aap Ki Gustakhi Hai,
Aur Isi Tarah Anbiya Aur Ummatiyo ke Darmiyan Taqabul Durust Hai to Bataiye
Siddeeqe Akbar Kaun Hai aur Farooqe Aazam kaun?
43.Wo kaunsa Imam hoga jiske bare me hamse Kabr me sawaal hoga ?
⇨ Imam Nahi Nabi Ke Bare Mein Sawal Hoga Bewaqoof!
Abhi Tak Ye Bhi Nahi Pata Ki Qabr Mein Tera Nabi Kaun Puchha Jayega Ya Tera Imam Kaun?
44.Wo kaunsa Imam hai jiski itaa’at Allah ki itaa’at hai aur jiski nafarmani Allah ki nafarmani hai ?
⇨ Imam Nahi Nabi Akram Sallallahu Alayhi Wasallam Ki Ita’at,
Imam To Nabi Ki Hi Baat Batate Hain,
Nabi Ke Muqable Kuch Banate Nahi,
Aapko Ye Farq Nahi Pata Tabhi To Gair Muqallid Ho.
45.Wo kaunsa Imam hai jiska kalima hamne padha hai ?
⇨ Pagal….. Tum Samajh Rahe Ho Ki Albani Aur Shuakani Ka Kalima Padha Jata Hai?
Nabi Ka Kalima Padha Jata Hai Nabi Ka…
Laa Ilaaha Illallahu Muhammadur Rasoolullah.
46.Wo kaunsa Imam hai jo apni ummat ki khatir roya hai?
⇨ Nabi… Allah Ke Aakhri Paighambar Hazrat Muhammad Sallallahu Alayhi Wasallam.
47.Wo kaunsa Imam hai jiske laye huye DEEN par Imaan lana NAJAAT ke liye zaroori hai ?
⇨ Imam Nahi Nabi Deen Laate Hain Ahmaq,
Hame Allah Me Aakhri Paighambar Hazrat Muhammad Sallallahu Alayhi Wasallam Hame Huzoor Ke Laye Hue Deen Per Iman Laana Zaroori Hai,
Aur Ham Log Iman Laye Hain Aur Deen Ke Ghair Mansoos Masail Per Ham Mein Se Mujtahid Ijtihad Karke Aur Muqallid Taqleed Karke Amal Karte Hai,
Un Masail Mein Ijtihad Aur Taqleed Ke Inkar Ke Baad Ghair Muqallid Har Haal Mein Be Daleel Hota Hai.
48.Sochiye… kyon hum itne gaafil hain Islam se…. ??????
⇨ Sahi Kaha….. Samjha Bhi Nahi Aur Suna Bhi Nahi Aap Ne Aur Ghair Muqallid Ban Kar Apni Bad Fehmi Ki Buniyad Per Paida Hue Sawalat Ko Tehqeeq Ke Naam Per Phaila Rahe Ho.
49.Kya TAQLID ki wajah se is UMMAT firko firko me nahi bati?
⇨ Aimma e Arba’ Ki Taqleed Ki Buniyad Per Ummat Mein Firqa-Bandi Nahi Sahaba e Karaam Ki Tarz Per Maslak Bandi Hui Hai.
Abhi Aap Ko To Ye Bhi Nahi Pata Ki Maslak Aur Firqa Mein Kya Farq Hai,
Haan Jumla Ghair Muqallideen Sahaba Ke Ijmai Masail Se Khurooj Ikhtiyar Kar Ke Maa Ana Alayhi Wa As’haabi Ke Dalail Se Bahar Ho Kar Zaroor Firqa Ban Gaye Hain
50.Agar IKHTELAAF is UMMAT ke liye RAHMAT hai to fir HAM AUR ZYADA IKHTELAAF kare???
⇨ Aur Kar Hi Kya Rahe Gair Muqallideen Ikhtilaf Paida Karne Ke Alawa?
Haan Furooi Masail Ka Ikhtilaf Waqai Is Ummat Ke Liye Rehmat Sabit Hua Hai
Lekin Ghair Muqallideen Un Masail Mein Tableegh O Tardeed Ka Pehlu Ikhtiyar Kar Ke Ummat Mein Intishaar Paida Kar Rahe Hain.
☞ Kis HADEES me “is UMMAT ka IKHTILAF RAHMAT hai” aisa kaha gaya…???
⇨ Kuch Pata Bhi Hai Ya Nahi Aap Ko?
Sanad Ke Aitebar Se Saheeh Darje Tak Nahi Pahoonchi Hai,
Mujtahideen Ka Nusoose Fehmi Ka Ikhtilaf To Is Mein Dakhil Hai
Lekin Ghair Muqallideen Ka Paida Karda Ikhtilaf Is Mein Dakhil Nahi Balki Ye To Ummate Muslimah Ke Haq Mein Sara Sar Zehmat Hai
☞ Kya yeh Quran ke is ayat ke khilaf nahi hai.
“Aur tum sab ke sab (milkar) Allah ke RASSI (Quran) ko mazbooti se thaam lo aur aapas me firka firka na bano……….”
(Surah Imran 3: ayat 103)
………………..
⇨ Ghair Muqallideen Ka Paida Kardah Ikhtilaf Zaroor Is Aayat Ke Khilaf Hai Haan Agar,
Aimma-e-Arba’ aur un ke Muqallideen (Ahnaf. Malikiya. Shawafe o Hanabela) ki tarah AGAR
Ghair Muqallideen ke jumla Firqe bhi Jaise
Jamee’at Ahle Hadis
Ghurba Ahle Hadis
Salafi Ahle Hadis
Firqa Jama’atul Muslimeen Wagairah
Masael e Mansoosa Gaer Muta’ariza O Muta’ariza, MalooMut-Taqdim Wattakhir Me MA ANA ALAIHI Ke Dayire Me Reh Ker Tamam Masail Nabi Sallallahualaiwasallam Ki hi zaat e aqdas se hal ker len……
masael e Muta’ariza ijmai me mukhtalif hone k bajae WA AS’HABI ke dayire me reh ker muttafiq ho jayen
AUR
masaile mansosa muta’areza Gair maloomut-taqdim wattakhir gair ijamai me
samajh kar yani ijtihadan, ya sun ker yani taqleedan, apne select kiye hue per trajeehan Amal paera ho ker apne tarjeeh diye hue ki TABLEEG aur apne marjooh kiye hue ki TARDEED na karen to.
Ham Sab Allah Ki Rassi Ko Mazbooti Se Pakadne Wale Ho Jayenge, Aur
Aalame islam me TARK E TAQLEED KE NAM PER HONE WALE Alamgeer intishar ka mukammal khatma ho jae gaa…
__________________________________________
ALLAH TA'ALA Ko Wishnu Aur Brahma Naam se Pukarna Jayez Hai.
( Dr Zakir Naik )
Ji haan, Yeh kehna hai IRF ke founder Dr Zakir Naik ka.
Woh apni mash'hur kitaab "UNIVERSAL BROTHERHOOD" jo unki Ek taqreer ko kitaab ki shaql mein print ki hai. Jo aasaani se har jagha chahe IRF ka center ho ya book Store badi aasaani se dastiyab hai.
Uss mein darj hai ki, "ALLAH TA'ALA ko Hinduwo ke MAABOODAN ke NAAM se pukarna jayez hai. Apni baat ko justified karne ke liye aage likhte hain, "Wishnu" ka matlab "Rab" aur "Brahma" ka matlab "Khaliq" is shart ke saath ki, wishnu ke baare mein yeh aqeeda na rakhein ke iske chaar (4) haath hai aur parinde per sawaar hai.
Book Name :-
"Universal Brotherhood"
(Page no. 23/24)
Ab aap zara is baat per ghaur karo, jo Hindu Ghair Muslim ke Asha'r hai un se ALLAH ko pukarna kaise jayez hoga ?
Hum agar hamare Buzurgaan E Deen ko, "Ya Ghaus", "ya Garib Nawaz" kar ke nida kare toh kufr aur shirk ?
Aur Zakir Naik ke mazhab mein Hindu jo apne MAABODAN E BAATIL ko jis naam se pukare woh Hinduwo'n ke Asha'r jayez kaise ?
HADEES KE DUSHMAN
PART : 17
MISAL NO.10
Tamam Insano Ki Salah Wa Falah Huzoor Ki Itteba Me Hai, 4 Imamo Ki Taqleed Dar Haqiqat Huzoor Ki Hadees Ka Itteba Hai Chunki Ye Aimmah E Deen, Quran O Hadees Ke Ziydah Janne Wale Uska Maana Wa Mafaheem Ko Sahi Samajhne Wale Hain...
Ahlehadees (Gair Muqallideen/La Mazhab) Jo Kisi Imam Ki Taqleed Nahi Karte Aur Direct Quran Hadees Pe Chalne Ki Dawat Dete Hain Zara Unka Haal Bhi Dekhen Kis Qadar Hadees Ke Mutabiq Hai...
HADEES
✔HAQ✔
1-Hazrat Ibne Umar Kehte Hain Huzoor Ne Farmaya Jisne Wazu Kiya Aur Allah Ka Naam Pukara Ye Uske Saare Badan Ki Taharat Hai Aur Jisne Wazu Me Allah Ka Naam Nahi Liya Ye Sirf Uske Aazaye Wazu Ki Taharat Hai
(Dare Qutni, Jild-1, Page-74)
2- Imam Hasan Basri Farmate Hai Jab Koi
Wazu Kare To Bismillah Padhe Aur Na Padhe Tab Bhi Wazu Hu Gaya
{Musannaf Ibe Abi Shaibah, Volume-1, Page-30}
Gair Muqallid Aalim Muhammad Khalid Aur Mufti Abdus Sattar Likhta Hai
AHLE HADEES
BATIL
1- Jo Bismillah Nahi Padhta Uska Wazu Nahi Hota.
{Salatun Nabi, Page-68}
2- Bagair Bismillah Ke Wazu Nahi
{Fatawa Sattariyah, Jild-2, Page-19}
Imam Ke Piche Sure Fatiha Ke Bina Namaz Nahi Hoti Aur Bina Bismillah Ke Wazu Nahi Hota Inke Ye Saare Fatawe Khilafe Hadees Hai...
Ye Log Ahlehadees Hi Hai Ya Hadees Ke
Dushman Dekh Le...
JOIN SUNNI WHATSAPP GROUP :-9096751100
Gair Muqallideen Ki Taraf Se Kiye Gaye 50 Sawalo Ke Jawab
≫Kam Ilmi Aur Bad-fehmi Ki Buniyad Per Gair Muqallideen Ke Zehn Mein Paida Hone Wale Aur Un Ki Taraf Se Kiye Gaye 50 Sawalo ke Jawabaat≪
∗Mulahiza Farmaye∗
⇩50 SAWAALAT APNE AAP SE⇩
1. Taqleed kise kahte hai?
⇨ Istimbati Masail Ko Ijtihadan Hal Kar Lene Wale Yaani Ulul-Amr Ki Ita’at Ko Istilah Mein Taqleed Kehte Hain.
2.Taqleed zaruri kyun ?
⇨ Gair Mujtahid Ke Liye Bhi Kitab-O-Sunnat Ke Gair Mansoos Masail Per Amal Zaroori Hai, Choonki Woh Mujtahid Nahi Is Liye Kitab O Sunnat Ke Un Masail Per Amal Karne Ke Liye Use Mujtahid Ki Ita’at Wa Taqleed Karna Zaroori Hai.
3.Taqleed kiski zaroori hai ?
⇨ Gair Muqallideen Ki Tarah Us Ke Jaahil, Khaain Aur Bad-Fehm Ulama Ki Andhi Taqleed Ke Bajaye Quran Kareem Ke Sareeh Ahkaamaat Ki Paasdari Mein Mujtahideen, Ahle Zikr, Wa Ahle Istimbat, Ahle Baseerat Fuqaha O Aimma Ki Taqleed Zarooroli Hai.
4.Kyun mai Hanafi hoon?
5.Kyun mai Maliki hoon?
6.Kyun mai Shafaee hoon?
7.Kyun mai Hambali hoon?
⇨ Kitab O Sunnat Ke Ghair Mansoos Masail Per Ijtihadan Ya Taqleedan Hi Amal Ho Sakta Hai Gair Muqallid Ban Kar Hargiz Nahi.
Imam Abu Hanifa, Imam Malik, Imam Shafai Aur Imam Ahmed Bin Hanbal Rahimahumullah Mujtahid Hain Is Liye Muqallid Nahi.
Hamein Bhi Kitab O Sunnat Ke Gair Mansoos Masail Per Amal Karne Ka Mukallaf Banaya Gaya Hai Lekin Ham Mujtahid Nahi Ke Ijtihadan Un Masail Per Amal Paira Hojaye Is Liye Ham Mujtahideen Ke Ijtihad Ko Tasleem Karke Un Masail Par Amal Karte Hain Ham Mein Ka Jo Shakhs Jis Mujtahid Ke Masail Ko Amalan Tasleem Karta Hai Woh Usi Ki Taraf Mansoob Kar Diya Jata Hai Aur Hanafi, Shafai, Maliki Aur Hanbali Kehlata Hai.
8.Kya taqleed karna farz hai ?
⇨ Allah Taala Ne Hamein Ulul-Amr Ki Ita’at Ka, Masail Ke Hal Ke Liye Ahle Istimbat Ki Taraf Ruju Karne Ka, Ahle Zikr Se Sawal Ka, Muneeb Ki Ittiba’ Ka Sareeh Hukm Diya Hai.
Ulul-amr Ki Ita’at Ka Naam Taqleed Hai.
Ahle Istimbat Ki Taraf Rujoo Ho Jane Ka Naam Taqleed Hai.
Muneeb Ki Ittiba’ Ka Naam Taqleed Hai.
Ahle Zikr Se Sawal Ka Naam Taqleed Hai.
Kya Allah Taala Ke Darj-e-Baala Ahkaamaat Ki Paasdari Karna Ham Par Farz Nahi?
Gair Muqallid Hi Bata Dein To Behtar Hoga.
Ham Kahenge To Shikayat Hogi.
9.Taqleed kab tak karna zaruri hai ?
⇨ Jab Tak Koi Shakhs Gair Muqallid Ki Bajaye Mujtahid Na Ban Jaye.
10. Jab Eisa A.S. is duniya me fir se NAZIL honge in 4 Imaamo se kis ki TAQLID karenge ??? Eisa A.S. jis Imaam ki TAQLID karenge wo Imaam HAQ par hoga kyunke Eisa(A.S.) Allah ke Rasool hain.
⇨ Gair Muqallid Sabit Kar Dein Ke Eisa A.S. mein Ijtihad Ki Salahiyyat Nahi Hogi To Ham Bata Deinge Ki Eisa A.S. kis ke Muqallid honge.
Sahi Hai….
Shokaani Se Le Kar Albani Tak,
Galli Se Le Kar Dilli Tak,
Shaikhul Hadees Jamia Salafiya Banaras Peshawar Abu Zaid Be Zameer Se Le Kar Markazi Jamee’at (Al-Juhala Wal Khaaineen) Gair Muqallido Ke Sadar Dr. Naik Tak Dekh Lijiye Sab Mein Bad Fehmi Milegi.
11. 4 Imaamo se kisi 1 ki TAQLID karne ka HUKM kisne diya…
ALLAH ne?
RASOOL ne?
Khud in 4 Immamo ne?
Ya Aaj ke Maulviyo ne?
⇨ Fee Nafsihi Ek Per Kayi Aimma Ki Taqleed Maqsood Wa Matloob Nahi, Balki Kitab O Sunnat Ke Ghair Mansoos Masail Per Istimbatan Ya Bazahir Muta’riz Umoor Mein Kisi Ek Per Tarjeehan Amal Karna Maqsood Hai Jo Ke Har Kis Wa Naqis(Na Ahl) Ka Kaam Nahi Is Liye Yaha Jo Na Ahl Hai Woh Ahl (Qabil) Ki Ita’at Wa Taqleed Kar Raha Hai, Ab Yaha Us Na-Ahl Ko Is Ka Mukallaf Banana Ki Wo Charo Aimma Ke Jin Masail Ko Aqrab-Un-Nusoos (Quran O Sunnat Ke Qareeb) Paye us per Amal Karle Ya Bainal Aimmah Mukhtalif Feeh Masail Mein Se Kisi Ek Per Tarjeehan Amal Karle, Takleef Maal Eitaaq ke Qabeel Se Hai,
Haan Wo Afraad Jo Ilm O Fehm Ki Buniyad Per Ashaab-e-Tarjeeh Ke Darje Tak Pahunche Hain Wo Zaroor tehqeeqan Charo Ke Masail Aqrab Ilal Kitab Wa Sunnat Hone Ki Buniyad Per Ikhtiyar Karein Aur Dusre afrad un ki nigrani mein un masail per amal karein ab ye ashaab-e-tarjeeh ke Rajeh kiye hue masail is ke apne imam ke hi masail kehlayege.
Yahi Ahle Sunnat Wal Jamaat Ke Masaalike Arba’ ka Ma’amool hai ke un mein se koi bhi Apne Imam Ke Ghair Mufta Bihi Aqwal Per Aamil Nahi.
Is Liye Ahle Baseerat Is Haqeeqat Se Khoob Waqif Hain ke Hamara Apne Aap Ko Hanafi, Maliki, Shafai Aur Hanbali Kehlwana Fard Wahid Ke Taqleed Ki Buniyad Per Nahi Balki Mazhabe Mueen Ki Ittiba’ Ki Buniyad Per Hai Aur Isi Ka Naam Taqleed-e-Shakhsi Hai.
12. Islam me sirf 4 tarah ke HUKM hai:-
FARZ, WAJIB, SUNNAT AUR NAFIL.
To fir in 4 se kisi 1 ki TAQLID karna kya Hai?
Farz hai…?
Wajib hai…?
Sunnat hai…?
Nafil hai….?
Agar NAFIL hai to fir apke liye FARZ kaise ban gaya???
⇨ Taqleed Hamare Yaha Farz To Nahi, Ulul-Amr ki Ittiba’ Wa Taqleed Karna Wajib Hai,
Chaliye Yaha Aapne Kam Az Kam Nafil Maan Kar Is Baat Ka Iqrar Kar Hi Liya Ke Taqleed-e-Aimma Ko Shirk Wa Haraam Kehne Wale Ghair Muqallid Jhoote Aur Dhoke Baaz Hain.
13.Sahaba kaun the???
Hanafi, Maliki, Shafai ya Hambali???
⇨ Nahi Nahi Hargiz Nahi,
Woh To Salafi The,
Samrodi The,
Ghuraba The,
Jama’atul Muslimeen The Tabhi To Aap Log Salafi Samrodi Ghuraba Jamatul Muslimeen Masoodi Wagerah Ho Bad Fehmo!
Aap Bukhari, Muslim, Abu Dawood, Tirmizi Wagerah Ki Hadees Padhte Ho Batao Sahaba Ne In Ki Hadees Padhi Thi?
Aap Imam Hafs Aur Qari Aasim Koofi Ki Riwayate Qirat Ko Apna Kar Quran Padhte Ho Batao Sahaba Ne Un Ki Riwayate Qirat Ko Apnaya Tha Ya Nahi?
Agar Nahi To Aap Kyun Apnate Ho?
Agar Yaha Ye Tamam Nisbat Tadween Ki Buniyad Per Hain To Yahi Buniyad Fiqhi Masail Mein Kyun Samajh Mein Nahi Aati?
14.Kya sahaba (R) me se koi 1 sahabi is kaabil nahi tha ke unko apna Imam bana diya jaaye??
⇨ Aimma Ho Ya Sahaba… Har Ko Imam Banana Aur Un Ki Ita’at O Ittiba Karna Taqleeedan Hi Mumkin Hai Gair Muqallid Ban kar Hargiz Nahi…
Ham Ne Gair Muqallid Ki Tarah Sahaba Ki Mukhalifat Karne Ke Bajaye Ijmai Masail Mein Khulafa e Rashideen Samet Har Har Sahabi Ki Taqleed Ki Hai, Aur Mansoosah, Muta’aariza, Ghair Ijmai Masail Mein Bhi Sahaba Hi Ke Kisi Giroh Ki Mujtahid Ke Zariye Taqleed Ki Hai, Ahle Baseerat Is Baat se Khoob Waqif Hain.
15.Sahaba ka DARJA bada hai ya baad wale UMMATIYO ka? ?? fir unme se koi Imaam kyun nahi bana???
⇨ Upar 14 Number Wala Jawab Padh Lo, Samajh Mein Aa Gaya To Gair Muqallidiyat Chhod Do Agar Nahi Samjha To Ek Hi Sawal Baar Baar Dohrate Hue “Gair Muqallidiyat Zindabad, Himaqat Zindabad, Bad Fehmi Zindabad” Ke Naare Lagate Raho.
16. Ham to 4 Imamo mante Hain lekin Shia to 12 Imamo ko mante hai to fir ham unko GUMRAAH kyun kahte Hain?
⇨ Jhoot Mat Boliye Aap Kisi Imam Ko Nahi Mante,
Aap To Zakir Naik, Abu Zaid Zameer, Meraj Rabbani, Tauseefur Rehman, Talibur Rehman Aur Jalaluddin Jaise Jahil Aur Khaain Parcharako Ke Muqallid Ho,
Haan Ham Charo Aimma Ko Mante Hain Aur Shia 12 Ko Imam Batata Hai Lekin, Ham Apne Aimma Ko Shia Ki Tarah Shareeat Saaz Aur Shareeat Daan Nahi Maante Balki Qanoon Saaz Qanoon Daan Mante Hain, Ham Jab Apne Imam Ki Taqleed Karte Hain To Ba-Haisiyat Shaare’ (شارع) (Yani Shareeat Banane Wala Nahi) Nahi Balki Ba-Haisiyat Shaareh ( شارح) (Yaani Tashreeh Karne Wala Maan Kar Taqleed) Karte Hain Alhamdulillah.
17.Kya in 4 Imaamo se kisi 1 Imaam ka naam Quran wa Hadees me aayaa hai ?
⇨ Jis Tarah Qirat Ke Aimma Ke Naam Kitab O Sunnat Mein Nahi Hadees Ke Aimma Ka Naam Kitabo Sunnat Mein Nahi Isi Tarah Fiqah Ke Aimma Ke Naam Ki Kitab O Sunnat Mein Sarahat Nahi, Allah Ta’ala Ne Hamein Aurato Se Nikah Ka Hukm Diya Hai Lekin Jis Aurat Se Nikah Ho Raha Hai Us Ka Naam Kitabo Sunnat Mein Nahi.
18.Jo log in 4 Imam paida hone se pahle MARR (death) chuke unka kya hoga???
⇧ Jis Tarah Imam Hafs Aur Qari Aasim Koofi Se Pehle Quran Padhane Wale Aur Padhne Wale Maujood The,
Aur Imam Bukhari, Imam Muslim Rahimahullah Se Pehle Hadees Padhne Aur Padhane Wale Maujood The Isi Tarah Aimma E Arba Se Pehle Bhi Kitabo Sunnat Se Fiqhi Masail Ka Istimbat Karne Wale Mujtahid Aur Un Masail Mein Un Mujtahideen Ki Sun Kar Amal Karne Wale Muqallideen Maujood The, Us Daur Mein Kisi Ek Ke Bare Mein Sabit Nahi Woh Ijmai Masail Ka Munkir Aur Ghair Muqallid Ho
19.In 4 Imaamo ke WALIDAIN (parents) kis Imaam ki TAQLID karte the???
⇨ Un Ke Zamane Mein Bhi Ijtihadi Masail The,
Mujtahideen The, Iman Ghazzali Rh.a. Ki Al-Mustasfa Dekhiye Makkah Mein, Madina Mein, Koofa Mein Sham Mein, Har Bade Islami Shehar Mein Un Mujtahideen Ka Naam Bataya Hai Jinki Log Taqleed Karte The.
Aap Poori Al-Mustasfa Padh Daaliye Kaheen Bhi Ghuraba, Salafi, Samroodi Ghair Muqallid Ka Naam Tak Nahi Liya Hazrat Imam Ghazali Rh.a. Ne, Aap Logo Ka Wujood Hi Nahi Tha To Naam Kaise Lete?
20.Imam Abu Hanifa (R),Imam Malik (R), Imam Shafai (R) aur Imam Hambal kaunse Imam ko maante the?
⇨ “Gul Gaye Gulshan Gaye Jungli Dhatoore Reh Gaye,
Aqal Wale Chal Base Be Sha’oor Reh Gaye.”
Mujtahid Ijtihad Karega Ya Taqleed?
21. Agar mai ek Imaam ko manta hoon to kya baaki Imaam haq par nahi hai?
⇨ Kyun?
Kya Kisi Ek Nabi Ki Pairvi Dusre Anbiya Ka Inkar Hai?
22.Agar sab Imaam haq par hai to fir mai ek Imaam ke pichhe hi kyun ?
⇨ Tarjeehi Buniyad Per Ek Hi Ki Taqleed Mumkin Hai Aap Aisa Karein Ke Ek Waqt Mein Har Har Masle Mein 2 Imam Ki Taqleed Kar Liya Karein,
Ek Hi Namaz Mein Ek Ki Taqleed Kar Ke Rafa Yadain Bhi Karein Aur Dusre Ki Taqleed Kar Ke Tark Bhi Kar Diya Karein, Gair Muqallidiyat Ka Asli Maza Aajayega,
Ek Imam Ki Ittiba Mein Aameen Bil Jehr Aur Dusre Ki Ittiba Mein Aameen Bis Sirr (Yani Aahista Aameen) Keh Liya Karein, Bad Fehmi Apne Jaah O Jalaal Samet Nazar Aayegi,
Aur agar Aisa Nahi Balki Ahl Ban Kar Tarjeehan Ya Ahl Ki Sun Kar Taqleedan Amal Karna Maqsood Hai To Ham Ahle Sunnat Wal Jamat Masalike Arba (4 Imamo Ka Tareeqa) Ka Har Fard Yahi Kar Raha Hai, Gair Muqallideen Ko Is Ki Taufeeq Nahi.
Wo To Na-Ahl Ho Kar Select Karta Hai Aur Na Ahl Balki Bad Fehm Ki Sun Kar Amal Krta Hai.
23.4 Imaam ek dusre ke USTAD-SHAGIRD the to fir inki FIQH alag lag kyun???
⇨ Ye Kis Pagal Ne Aap Ko Bataya Ki Ustad Wa Shagird Hone Ki Buniyad Per Ek Hi Fiqah Hona Chahiye?
Asal Mein Samajh To Hai Nahi Aap Ke Paas Aur Dimagh Waha Laga Rahe Ho Jaha Lagane Ki Jagah Bhi Nahi,
Bhai Naam Nihad Hi Sahi Ahle Hadees To Bane Raho, Apne Bade Bhai Naam Nihad Ahle Quran Ke Paas Mat Chale Jana, Warna Wo Aapke Chiriya(Bird) Jaise Bheje Mein Yeh Bhar Dega ki Kutube Sittah (Yani Hadees Ki Badi 6 Kitabo) Ke Musannifeen (Writers/Likhne Wale) Jab Ek Dusre Ke Ustad Wa Shagird Hain To Un Ko Alag Alag Kitabe Likhne Ki Zaroorat Kyun Padi?
Aur Aap Apni Badfehmi Ke Nateeje Mein Muhaddiseeb Se Dushmani Ikhtiyar Kar Ke Munkire Hadees Ban Jaoge.
Allah Hifazat Farmaye.
24.Agar sab Imam haq par hai to fir inke andar apas me ikhtelaaf kyun ?
⇨ Sab Aimma Sahaba Ki Ijmai Masail Per Mujtama’ (Yani Muttafiq) Hain Aur Ikhtilafi wa Furoo’i Muaamlat Mein Sahaba Ke Hudoode Ikhtilaf Mein Reh kar Mukhtalif Hain Yani Jaha Jaha Sahaba Muttafiq Waha Waha Aimma Muttafiq Aur Jaha Jaha Sahaba Mukhtalif Waha Waha Aimma Mukhtalif…
Ab Yaha Ye Sawal Mat Kar Dena Ki Jab Tamam Sahaba Haq Per Hain to Unke Darmiyan Ikhtilaf Kyun?
Haan Aap Hamein Bataiye Ki Tamam Anbiya Ki Shariat Mein Halal Aur Haram Ka Ikhtilaf Hai Lekin Sab Haq Per Kyun Hain?
25.In 4 Imaamo se baaki 3 Imaamo ki apni likhi hui KITABE aj bhi maujud hai lekin Abu Hanifa (R) ne likhi hui KITAB ka naam kya hai…??? Yeh kitab Hanafi Masjido me kyun nahi padhi aati???
⇨ Lo, Karlo Baat.
Musnade Imame Aazam Muqeem Faizi Ne Likha Hai Shayad Aur Fiqhul Akbar Dr. Zakir Naik Ne?
Kyun?
Jis Imam Ka Muqallid Ho Usi ki Kitab Apni Masjid Mein Padhna Zaroori Hai Kya?
Maaliki Apni Masaajid Mein Muatta,
Shawafe Apni Masajid Mein Kitabul Aam
Hanaabila Apni Masajid Mein Musnade Ahmed Ibn Hanbal Padhte Hain Ya Nahi?
Agar Haan To Phir Ahnaf Ko Un Ki Masajid Mein Musnade Imam Aazam Padhwane Ke Liye Aamadah Karna Durust Hai, Agar Nahi To Phir Aapka Ye Sawal Fizool Hai,
Aur Haan Janabe Wala Aimma Ke Muqallideen Se Ye Kehte Hue Nahi Thakte Ki Hamare Imam Muhammad Mustafa Sallallahu Alayhi Wasallam Hain To Aap Apni Masajid Mein Zaroor Allah Ke Rasool Ki Likhi Hui Hadees Ki Kitab Padhte Honge?
26. Agar Imaam ko nahi maan’na gunah hai, to ek Imaam ko maan’ne se dusre 3 Imaam chhut’ jaate hai, iska gunah mere sar par kyun ?
⇨ Ye Sawal Bhi Kam Ilmi Aur Bad-Fehmi Ki Paidawar Hai,
Kisi Ko Tarjeeh Dena Marjooh Ki Tardeed Hai To Sabit Karein Taaki Aap Ka Sawal Durust Kehlaye,
Kya Ek Nabi Ko Manna Dusre Nabiyo Ka Inkar Kehlata Hai?
27. Jab Imaamo ne bhi apne aapko Hanafee, Shaafaee, Maliki ya Hambali aise nisbaton se nahi joda, to phir mai kyun apne aapko aisi nisbato se jodta/jodti hoon?
⇨ Un Aimma Ne Apne Naam Ke Sath Salafi Samroodi Ghuraba Nisbat Lagayi Thi Na? Tabhi To Aap Log Ye Nisbat Laga Rahe Hain?
Masla Batane Aur Manne ki buniyad Per sahaba karam Rz.a. Mein As’haabe Ali Rz.a. Aur As’haabe Abdullah Ibn Masood Rz.a. Nisbat Lagana Sabit Hai,
Aur Un Hi Buniyado Per Fuqaha Ke Istinbat Ko Manne Ki Wajah Se Ham Mein Se Koi Hanafi, Koi Shafai, Koi Maliki aur Koi Hanbali Kehlate Hain.
28.Kya hamare Imaam ne humse kaha hai ki sirf meri hi taqleed karna aur mere alaawa kisiki bhi taqleed na karna ?
⇨ Aap ke Kaunse Imam? Aap To Huwa O Hawas KI Ghulaami Ikhtiyat Kiye hue Hain,
Ham Un Ulul Amr Aimma e Fuqaha Ki Iqtida Mein “Ya Ayyuhal Lazeena Aamanu Atee’ullaha Wa Atee’ur Rasool Wa Ulil Amri Minkum”
«یا ایھا اللذین اٰمنوا اطیعوا اللہ و اطیعواالرسول واولی الامر منکم»
ke Sareeh Hukm Ki Paasdaari Mein Kar Rahe Hain Aur Ashaabe Tarjeeh Ki Nigraani Mein Ye Taqleed Mukhtalif Aimma Ki Shumooliyat Apne Andar Rakhti Hai Upar Waazeh Kar Diya Gaya Hai Ke Taqleed Shakhsi Ka Matlab Farde Wahid Ki Nahi Mazhabe Mueen Ki Taqleed Hai
29.Kya mera MANHAJ (raasta) wahi hai jo mere Imaam ka tha ?
⇨ Aap Ka To Hargiz Nahi,
Kyuki Aap Samajhte Bhi Nahi Aur Sunte Bhi Nahi,
Muqallid Bhi Nahi.
Mujtahid Bhi Nahi,
Haan Hamara To Bilkul Wahi Raasta Hai,
Kitab-O-Sunnat Ka Manhaj Us Ke Mansoos Wa Gair Mansoos Mas’ale Per Amal Karne Ka Jazba
Har Wo Mas’ala Jis Per Mujtahid Ijtihadan Amal Karta Hai,
Muqallid Taqleedan Amal Pera Hota Hai,
Yaani Mujtahid Ijtihaadan Aur Muqallid Taqleedan Kitabo Sunnat Ke Masail Per Aamil Aur Us Per Gaamzan Hai,
Dekhne Wala Dekh Sakta Hai,
Ba Sharte ke Taassub Aur Badfehmi Ki Ainak(Chashma) Na Lagi Ho,
30.Mai apne Imaam ke baare me kitna jaanta hoon ?
⇨ Aapka Koi Imam Hi Nahi Aap Kya Jaanenge?
Haan Hamare Imam Bhi Hain Aur Ham Unhe Jaante Bhi Hain, Woh Aaqil Bhi Hain Aur Raahe Hidayat Ke Raahi Bhi Hain,
Kitabo Sunnat Ke Khilaf Kuch Karne Aur Batane Ke Bajaye Woh Kitabo Sunnat Ke Halaal Ko Halaal Aur Haraam Ko Haraam Waazeh Karne Wale Hain,
Woh Shareeat Saaz Nahi Shareeat Daan Hain.
31.Kitni kitaabe ab tak maine ya mere gharwalo ne apne Imaam ki padhi hai? (zaraa sochiye)
⇨ Aap Kya Padhenge? Aap To Aimma Ko Gumrah, Firqa Bandi Karne Wale Aur Na Jaane Kya Kya Kehte Ho,
Reh Gayi Hamari Baat To Ham Aap Rozana Jaame-Ul-Masaaneed Se Ek Ek Riwayat Send Kareinge Aur Dekhenge Ki Aap Ahle Hadees Ho Ya Munkire Hadees?
Saath Aapko Ye Bhi Pata Chal Jayega Ke Ham Imam Aazam Ki Kitab Ka Kitna Muta’ala Karte Hain.
32. KABR me FARISHTE kya mujse yeh sawaal puchhenge ki bataa tera Imaam kaun tha ?
⇨ Nahi Shayad Ye Poochenge Ki Ghair Muqallid Bana Tha Ya Nahi, Salafi Ghuraba Ban Kar Masjido Mein Raf’ul Yadain Aur Tark Raf’ul Yadain Ka Parchaar Karke Jhagda Karwaya Tha Ya Nahi?
Apni Bad-Fehmi Ka Tehqeeq Ke Naam Per Parchaar Kiya Tha Ya Nahi?
Janaab! Jab Karna Wahi Hai Jo Qabr Mein Poochha Jayega To Kya Qabr Mein Ye Sawal Hoga Ki Kya Namaz Padha Tha?
Roza Rakha Tha?
Zakat Diya Tha?
Hajj Kiya Tha?
Agar Nahi Poochha Jayega To Chhod Dijiye Unhe Bhi.
33. Qayamat ke din kya mujse yeh sawaal kiya jaaega-bataa tera Imaam kaun tha ?
aur tu kiski taqleed karta tha ?
⇨ Har Momin Kitabo Sunnat Ke Ghair Mansoos Masail Per Amal Ka Mukallaf Hai Ya Nahi?
Is Baare Mein Qayamat Mein Sawal Hoga Ya Chhod Diya Jayega?
Agar Poocha Jaye To Ab Un Masail Per Ijtihaadan Ya Taqleedan Hi Amal Ho Sakta Hai Gair Muqallid Ban Kar Nahi,
Allah Na Kare Warna Waha To Aise Bad Fehm Logo Ka Qaul Yahi Sabit Hai Ke Woh Jahannam Mein Jaate Hue Keh Rahe Honge Ke Kaash Ham Sunte Hote Ya Samajhte Hote.
34.KABR me ya Qiyamat ke din baaki 3 Imaam ke bare me kya jawab dunga ?
⇨ Koi Yaha Gair Muqallideen Ki Tarah Un Per Laan Taan Karega To Zaroor Qayamat Ke Din Poochha Aur Pakda Jayega.
35.Agar maine apne Imaam ka naam bata bhi diya, or agar mujhse ye sawaal ho gaya ke sirf is Imaam (maslan Imaam Shafaee) ki hi taqleed ko kyun chuna, to iska mai kya jawaab dunga?
⇨ Pehle Maano To Phir Sawal Ki Baat Hogi,
Aur Haan Kya Ye Sawal Bukhari Ki Riwayat Mein Hai Ke Muqallido Se Sawal Hoga Ke Sirf Ek Hi Imam Ki Taqleed Kyu ki?
Ya Muslim Ki Riwayat Mein Hai Ya Ye Sawal Markazi Jameeat Ghair Muqallido Ke Jaahilo Aur Ahmeqo Ki Bad Fehmi Ki Paidawaar Hai?
36.Kya meri, ya mere waidain (parents) ki, ya mere ulmaao ki itni haisiyat hai ki woh yeh faisala kar saken ki kis Imaam ko mana jaae aur kisko chhodh diya jaye ?
⇨ Haisiyat Kaise Maapi Jayegi Paimana Batao,
Apne Jaahil Walidain Aur Khaain Ulama Per Nazar Rakhoge To Aise Hi Sawal Paida Honge,
Chhodo Unhe,
Ulama E Haq Ki Nigrani Mein Deen Per Amal Karo,
Warna Aise Hi Dagmagate Aur Dolte Rahoge To Muhammad Ahsan Amrohwi, Masood Ahmed B.Sc, Chakadalvi Jaisa Kahi Bhi Khaai Mein Gir Jaoge
37.kya yeh log Imaam se zyada taqwe waale aur ilm waale hai ?
⇨ Jab Ye Unhe Apna Imam Tasleem Kar Rahe Hain to Khud Is Baat Ka Aitraf Hai Ke Ye Imam Hi Ilm Aur Taqwa Mein In Se Bade Hain,
38.Aur 1 khaas sawaal ye hai ki jab ye Imaam nahi the to musalmaan kis ki taqleed karte the ?
⇨ Sawal N. 18 Aur 19 Se Bhi Aap Yahi Khaas Sawal Mafhoom Hota Hai, Jawab Wahi Mulahiza Farma Lijiye.
39.Bhaiyo agar aap ke paas in sawalo ke jawab nahi hai to maaf karna, aap na to Hanafi hai, na Shafaee, na Maliki, aur na Hambli, Aur shayad aapko yeh bhi nahi pata, ke aap kya hai?
⇨ Jawab Upar Mulahiza Farma Liya Hoga Aapne…..
Haan Is Sawal Se Ye To Samajh Mein Aa Gaya Ke Aap Ko Kuch Pata Nahi Hai aur Shayad Ye Pata Nahi Ki Aapko Kuch Pata Nahi Isi Liye To Aap Gair Muqallid Ho.
Aur kuchh sawalaat….
Kijiye Sawal…… Gair Muqallidiyat To Khud Ek Sawaliya Nishaan Hai…
40.Wo kaunsa Imam hoga jo Allah ke aage hamari sifarish ke liye sajde me jayega ?
⇨ Imam Albani,
Imam Shaukaani,
Imam Muhammad Juna Gadhi,
Shaikhul Kul Filkul Alaalkul Bilkul Nahi Balki Imamul Anbiya Khaatimul Anbiya Hazrat Muhammad Mustafa Sallallahu Alayhi Wa Sallam Honge.
41.Wo kaunsa Imam hoga jiski sifarish hamare haq me Allah qubool karega ?
⇨ Sab Se Pehle To Allah Ke Aakhiri Paighambar Hazrat Muhammad Sallallahu Alayhi Wasallam Shafa’at Kareinge Phir Ye Silsila Daraaz Hoga Aur Taqreeban Har Nekokaar Shifa’at Karega… Insha Allah
42.Wo kaunsa Imam hoga jo Hauze-e-Kausar par khada hoga ?
⇨ Imam, Nabiyo Ke Muqable Mein Keh Rahe ho Ya Mujtahid Ke?
Agar Anbiya Ke Muqable Mein Keh rhe Ho tab To Sawal Theek hai,
aur Agar Mujtahideen ke Muqable mein keh rhe ho to Ye Sawal Allah Ke Nabi Sallallahu Alayhi Wasallam ki Shaan Mein Aap Ki Gustakhi Hai,
Aur Isi Tarah Anbiya Aur Ummatiyo ke Darmiyan Taqabul Durust Hai to Bataiye
Siddeeqe Akbar Kaun Hai aur Farooqe Aazam kaun?
43.Wo kaunsa Imam hoga jiske bare me hamse Kabr me sawaal hoga ?
⇨ Imam Nahi Nabi Ke Bare Mein Sawal Hoga Bewaqoof!
Abhi Tak Ye Bhi Nahi Pata Ki Qabr Mein Tera Nabi Kaun Puchha Jayega Ya Tera Imam Kaun?
44.Wo kaunsa Imam hai jiski itaa’at Allah ki itaa’at hai aur jiski nafarmani Allah ki nafarmani hai ?
⇨ Imam Nahi Nabi Akram Sallallahu Alayhi Wasallam Ki Ita’at,
Imam To Nabi Ki Hi Baat Batate Hain,
Nabi Ke Muqable Kuch Banate Nahi,
Aapko Ye Farq Nahi Pata Tabhi To Gair Muqallid Ho.
45.Wo kaunsa Imam hai jiska kalima hamne padha hai ?
⇨ Pagal….. Tum Samajh Rahe Ho Ki Albani Aur Shuakani Ka Kalima Padha Jata Hai?
Nabi Ka Kalima Padha Jata Hai Nabi Ka…
Laa Ilaaha Illallahu Muhammadur Rasoolullah.
46.Wo kaunsa Imam hai jo apni ummat ki khatir roya hai?
⇨ Nabi… Allah Ke Aakhri Paighambar Hazrat Muhammad Sallallahu Alayhi Wasallam.
47.Wo kaunsa Imam hai jiske laye huye DEEN par Imaan lana NAJAAT ke liye zaroori hai ?
⇨ Imam Nahi Nabi Deen Laate Hain Ahmaq,
Hame Allah Me Aakhri Paighambar Hazrat Muhammad Sallallahu Alayhi Wasallam Hame Huzoor Ke Laye Hue Deen Per Iman Laana Zaroori Hai,
Aur Ham Log Iman Laye Hain Aur Deen Ke Ghair Mansoos Masail Per Ham Mein Se Mujtahid Ijtihad Karke Aur Muqallid Taqleed Karke Amal Karte Hai,
Un Masail Mein Ijtihad Aur Taqleed Ke Inkar Ke Baad Ghair Muqallid Har Haal Mein Be Daleel Hota Hai.
48.Sochiye… kyon hum itne gaafil hain Islam se…. ??????
⇨ Sahi Kaha….. Samjha Bhi Nahi Aur Suna Bhi Nahi Aap Ne Aur Ghair Muqallid Ban Kar Apni Bad Fehmi Ki Buniyad Per Paida Hue Sawalat Ko Tehqeeq Ke Naam Per Phaila Rahe Ho.
49.Kya TAQLID ki wajah se is UMMAT firko firko me nahi bati?
⇨ Aimma e Arba’ Ki Taqleed Ki Buniyad Per Ummat Mein Firqa-Bandi Nahi Sahaba e Karaam Ki Tarz Per Maslak Bandi Hui Hai.
Abhi Aap Ko To Ye Bhi Nahi Pata Ki Maslak Aur Firqa Mein Kya Farq Hai,
Haan Jumla Ghair Muqallideen Sahaba Ke Ijmai Masail Se Khurooj Ikhtiyar Kar Ke Maa Ana Alayhi Wa As’haabi Ke Dalail Se Bahar Ho Kar Zaroor Firqa Ban Gaye Hain
50.Agar IKHTELAAF is UMMAT ke liye RAHMAT hai to fir HAM AUR ZYADA IKHTELAAF kare???
⇨ Aur Kar Hi Kya Rahe Gair Muqallideen Ikhtilaf Paida Karne Ke Alawa?
Haan Furooi Masail Ka Ikhtilaf Waqai Is Ummat Ke Liye Rehmat Sabit Hua Hai
Lekin Ghair Muqallideen Un Masail Mein Tableegh O Tardeed Ka Pehlu Ikhtiyar Kar Ke Ummat Mein Intishaar Paida Kar Rahe Hain.
☞ Kis HADEES me “is UMMAT ka IKHTILAF RAHMAT hai” aisa kaha gaya…???
⇨ Kuch Pata Bhi Hai Ya Nahi Aap Ko?
Sanad Ke Aitebar Se Saheeh Darje Tak Nahi Pahoonchi Hai,
Mujtahideen Ka Nusoose Fehmi Ka Ikhtilaf To Is Mein Dakhil Hai
Lekin Ghair Muqallideen Ka Paida Karda Ikhtilaf Is Mein Dakhil Nahi Balki Ye To Ummate Muslimah Ke Haq Mein Sara Sar Zehmat Hai
☞ Kya yeh Quran ke is ayat ke khilaf nahi hai.
“Aur tum sab ke sab (milkar) Allah ke RASSI (Quran) ko mazbooti se thaam lo aur aapas me firka firka na bano……….”
(Surah Imran 3: ayat 103)
………………..
⇨ Ghair Muqallideen Ka Paida Kardah Ikhtilaf Zaroor Is Aayat Ke Khilaf Hai Haan Agar,
Aimma-e-Arba’ aur un ke Muqallideen (Ahnaf. Malikiya. Shawafe o Hanabela) ki tarah AGAR
Ghair Muqallideen ke jumla Firqe bhi Jaise
Jamee’at Ahle Hadis
Ghurba Ahle Hadis
Salafi Ahle Hadis
Firqa Jama’atul Muslimeen Wagairah
Masael e Mansoosa Gaer Muta’ariza O Muta’ariza, MalooMut-Taqdim Wattakhir Me MA ANA ALAIHI Ke Dayire Me Reh Ker Tamam Masail Nabi Sallallahualaiwasallam Ki hi zaat e aqdas se hal ker len……
masael e Muta’ariza ijmai me mukhtalif hone k bajae WA AS’HABI ke dayire me reh ker muttafiq ho jayen
AUR
masaile mansosa muta’areza Gair maloomut-taqdim wattakhir gair ijamai me
samajh kar yani ijtihadan, ya sun ker yani taqleedan, apne select kiye hue per trajeehan Amal paera ho ker apne tarjeeh diye hue ki TABLEEG aur apne marjooh kiye hue ki TARDEED na karen to.
Ham Sab Allah Ki Rassi Ko Mazbooti Se Pakadne Wale Ho Jayenge, Aur
Aalame islam me TARK E TAQLEED KE NAM PER HONE WALE Alamgeer intishar ka mukammal khatma ho jae gaa…
__________________________________________
ALLAH TA'ALA Ko Wishnu Aur Brahma Naam se Pukarna Jayez Hai.
( Dr Zakir Naik )
Ji haan, Yeh kehna hai IRF ke founder Dr Zakir Naik ka.
Woh apni mash'hur kitaab "UNIVERSAL BROTHERHOOD" jo unki Ek taqreer ko kitaab ki shaql mein print ki hai. Jo aasaani se har jagha chahe IRF ka center ho ya book Store badi aasaani se dastiyab hai.
Uss mein darj hai ki, "ALLAH TA'ALA ko Hinduwo ke MAABOODAN ke NAAM se pukarna jayez hai. Apni baat ko justified karne ke liye aage likhte hain, "Wishnu" ka matlab "Rab" aur "Brahma" ka matlab "Khaliq" is shart ke saath ki, wishnu ke baare mein yeh aqeeda na rakhein ke iske chaar (4) haath hai aur parinde per sawaar hai.
Book Name :-
"Universal Brotherhood"
(Page no. 23/24)
Ab aap zara is baat per ghaur karo, jo Hindu Ghair Muslim ke Asha'r hai un se ALLAH ko pukarna kaise jayez hoga ?
Hum agar hamare Buzurgaan E Deen ko, "Ya Ghaus", "ya Garib Nawaz" kar ke nida kare toh kufr aur shirk ?
Aur Zakir Naik ke mazhab mein Hindu jo apne MAABODAN E BAATIL ko jis naam se pukare woh Hinduwo'n ke Asha'r jayez kaise ?
************************************
No comments:
Post a Comment
Don’t Post Spam Links, thanks For Visiting plz comments