Mazar Par Sajdah Aur Shirk Ke Ilzam Ka Jawab.

Mazar Par Sajdah Aur Shirk Ke Ilzam Ka Jawab.

Sabse pahle to yeh jaan lena zaruri hai ke tamam ibadaten

sirf ALLAH Subhanahu Ta'ala hi ke liye
hai.

ALLAH ke siwa koi bhi ibadat ke layeq nahi.
Usi tarah sharait-e-Muhammadi Sal Allahu Alaihe Wasallam me SAJDAH bhi sirf aur sirf ALLAH Ta'ala
ke liye hai.

Musalmanon ka aur khas kar Ahl-e-Sunnat Wal Jama'at ka yehi aqeedah hai

🌹Alhamdulillah.🌹

Imam Ahl-e-Sunnat Ala Hazrat alaihe rahma ghair ALLAH ko sajdah ke muta'alik irshad farmate hain ke.

"Sajdah ALLAH ke siwa kisi ke liye nahi. Gairullah ko Sajda-e-Ibadat Shirk Aur Sajda-e-Ta’azimi Haraam hai."

Refrence.
Azzubdatuz Zakiyya, Safa -5)

🌹Subhan ALLAH🌹

Wahabi firqa jo 200 saal pahle yahoodiyon aur nasraniyon ke zariya wajood me aya, najdi ilzam lagate hain ke

Musalman mazar par jakar ghair ALLAH ko
sajdah karte hain aur is tarah shirk karte hain?

Kiya waqai musalman mazar par sajda-e-ibadat kar shirk karte hain?

Iska jawab dene se pahle yeh hadees mulaheza farmayen::

Rasool Allah Sal Allahu Alaihe wasallam ne irshad farmaya

 ke"Mujhe is baat ka khauf nahi ke tum
mere baad shirk karoge magar yeh ke tum apas me bughz rakhoge"

Refrence.
Sahi Bukhari,Jild 2,Hadees 6102)

Aqa Sal Allaho Alaihe wasallm jante the ke kuch log musalmanon par shirk ka ilzam lagayenge is liye bilkul saaf kar diya ke ummat shirk nahi kar sakti.

SAJDAH KI HAQEEQAT:

Sajdah ki do qisme hain
1 ek sajdah e Ibadat aur
2 dosra sajday-e-taazeemi.

Sajda-e-Ibadat ALLAH ke siwa kisi ko karna shirk hai aur

sajda-e-taazeemi
pichli shari'aton me jayez tha par is shariat me haraam hai.

Sajdah ke liye kuch sharten:

1 Niyat: Kisi bhi kaam ko karne me niyat ka dakhal hai k koi kis niyat se koi kaam kar raha hai.

Bukhari Shareef ki pahli hadees hai ke

'Innamal A'amalo Bin niyate'
Amal ka daromadar niyat par hai'

Refrence.
Sahi Bukhari,jild 1,Hadees 1)

2 Sajdah Karte waqt 7 haddiyon ka zameen se
milna zaruri hai.

Ibn Abbas Radi Allaho anh riwayat karte hain ke.

Rasool Allah Sal Allahu Alaihe Wasallam ne irshad
farmaya ke
ALLAH ke taraf se mujhe hukum hua ke 7
haddiyon par sajdah kiya jaye aur namaz me
kapda ya balon ko na moda jaye.

7 saat haddiyan ye
hain.

peshani aur naak

(dono) haath,

(dono) ghutne aur

(dono) paon.

Refrence.
Sahih Muslim-Hadees no 995/Sahi Bukhari,Jild
1,Hadees no 773)

Yeh khas sharaiton me se hain.

Wahabiyon (pakodao) ki bimari hai ke kisi ko jhukte dekha
nahi k shirk shirk chillana shru kar diya bhale hi
koi jhuk kar apni car thik karraha ho ya koi mazar
par chadar ko bosa de raha ho.
Koi bhi musalman jise deen ki samajh boojh hai woh mazar par sajdah nahi karta.
Agar logon me koi ek jahil aysa karta hua dikhta bhi hai to bhi hum bina tehqeeq
kiye, bina uski niyat jane uspe shirk ka ilzam nahi
laga sakte.

Sabse pahle to usse puchna padega ke woh kiya kar raha tha?

Agar kahe ke sajdah to phir pucha jayega ke taazeemi ya ibadat ke liye?
Agar woh kahe ke taazeemi to use samjhaya jayega ke yeh
Islam me haram hai aysa na karen.

Ab bhi is par shirk ka fatwah nahi lagega.
Aur Sajdah ibadat musalaman sirf aur sirf ALLAH Ta'ala ko karta hai.
Beghair tehqeeq kiye ya kisi ki niyyat jane sirf
jhukta dekh kar ya zameen ko bosa deta dekh kar kisi ko kafir-o-mushrik kehna sakht jahalat hai aur
aysa karne wala khud kafir-o-mushrik ho jata hai....

Rasool Allah Sal Allaho Alaihe Wasllam ne irshad farmaya ke

agar koi apne musalman bhai ko kafir
kahe to dono me koi ek zarur kafir hoga.
Jispar ilzam lagaya gaya agar woh kafir nahi to kufr ilzam lagane wale par laut jayega.

Refrence.
Sahee Muslim,Hadees-117)

Is hadees ki roshni me agar kisi ne mehaz mazar par bosa dene ya jhukne ke amal ko dekh kar kisi musalman ko kafir o mushrik kaha to woh khud kafir o mushrik ho jayega.

Is liye badgumani se bachen aur musalmano par shirk ka ilzam lagane se baaz aa jayen...

join sunni whatsapp group :-9096751100