Topic (HAYAAT UN NABI SALLALLAHU ALAEHI WASALLAM Part- QURAN E KARIM AUR TAFSEER SE SABOOT

"Aur Jo Allah Ki Raah Me Maare Jaye Unhe Murda Na Kaho
Balki Wo Zinda Hai, Haan Tumhe Khabar Nahi" (Al Quran Surah Al
Baqraah Ayat 154)


“Aur Jo Log Allag Ki Raah Me Qatl Kiye Jaayen Unhe Hargiz
Murda Guman Mat Karo, Balki Wo Zinda Hai Aur Rizk Diye
Jaate Hai".
(Al Quran : Surah Al-Imran, ayat : 169)

TAFSIR 1 : Is ayat ki tafsir me Qazi Sanaullah Panipati (1225
Hijri) likhte hain:
Mufasserin ki ek jamat is ayat ke tehet Shahido ki zindagi ka
bayan karte hain, lekin ye ayat tamam Ambiya, Siddiqin, Salehin
ki hayat par dalalat karti hai.
Kyunki Shahido se bada maqam Siddiqin ka hai, aur unse bada
maqam Ambiya ka hai, isiliye Ambiya ki wafaat ke baad unki
zauja ko dusra nikah karna jaez nahi,
(Ref: Tafsir Mazhari, Vol 1, Page 151)
.
Isi Ayat ki Tafsir me Wahabiyo ke dil aziz Imam Qazi Shawkani
likhte hain:

TAFSIR 2 : Quran Paak me ek ayat hai jo Shahido ki zindagi per
istedlal karti hain, aur unki zindagi duniya ke jaisi hi hai, to fir
Ambiya ki Hayat ka aalam kya hoga? Aur Imam Munziri ki
Hadees kehti hai ki Ambiya apni Qabro me zinda hain, aur iski
Sanad ko Imam Baihaqi ne Sahi likha hai.
(Ref : Nayl al-Awtar, Vol 3, Page 282)


TAFSIR 3: Imam Jalaluddin Suyuti Rehmatullah alaih (Born 841
Hijri – Wisal 911) likhte hain:
Ambiya apni Qabro me zinda hai, ye is Ayat ke Zahiri mayno par
bhi sabit hai,
ya Jo Mayne Muhaddesin is se nikalte hain usse bhi.
(Ref : Al-Hawi lil Fatawa, Vol 2, Pg: 149)


Tafseer 4 : Hazrat Imam Ismail Hakki Haqqi Rehmatullah
alaih farmate hain.
Baaz Ulamae Ikram ne apki qabr ke paas awaz buland karne ko
na-pasand kiya hai, kyunki aap qabr anwar me zinda hain.
(Ref :Tafsire Ruhul Bayan, Jild-9,pg-66)


Tafseer 5 : Hazrat Imam Saawi Maaliki Rehmatullah
alaihfarmate hain .
Amibya Ikram Alaihimus salaam ki hayaat, Shuhada ki hayaat se
Ajal aur aala hai. (Ref : Tafseer-e-Saawi alal Jalalain jild : 1 pg :
128)

JOIN SUNNI WHATSAPP GROUP :-9096751100