TOPIC. Hazrat Shaikh Abu Bakr Tusi rahmatullāhi alaihi :

Hazrat Shaikh Abu Bakr Tusi rahmatullāhi alaihi :
♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦
Laqab :
‾‾‾‾‾‾‾‾
Matka Peer.
******************
Aap Hijri 617 Hijri (1220 A.D.) me Sultaan Ghiyas-ud-deen
Balban ke zamaane me Iran se Delhi tashreef laaye.
Aap ne Delhi me Yamuna nadi ke kinaare qayaam karke
apni khaanqaah banaai.
*****************
Ek martaba aap ne dekha ke ek aadami Yamuna nadi me
doobkar khudkushi karne jaa raha hai. Aap ne use rokkar
puchha to us ne bataaya ke use koi laa ilaaj beemaari hai
aur jis se tang aakar wo khudkushi karne jaa raha hai. Aap
ne use ek matke me se paani pilaaya. ALLĀH ke fazl se us
ki beemaari dheere dheere theek hone lagi aur wo
sehatyaab ho gaya.
Is waaqye ki shohrat logo me phailne lagi. Jab Sultaan
Ghiyas-ud-deen Balban ko pata chala to us ne aap ka
imtihaan lene ke liye Tameezun naami ek khubsurat aurat
ko aap ke paas bheja. Jab wo aurat aap ki baargaah me aai
tab jaise hi Hazrat se nazren mili to foran us ke dil ka aalam
badal gaya aur wo Hazrat ki mureed ban gai aur aap ki
khidmat me hi reh gai.
Is ke baad Sultaan ne ek shakhs ke saath ek thaali me lohe
ki goliya aur mitti bheji. Aap ki dua se wo goliya ‘Chane’
ban gai aur mitti ‘Shakar’ ban gai. Aap ne apne khaadim ko
doodh laane ke liye farmaaya. Aur doodh me wo shakar
daalkar us doodh ko aur chane ko waha maujood logo ko
khaane ke diye. Aur ek matke me doodh bharkar Sultaan ko
bheja.
Is ke baad Sultaan aap ka mureed ban gaya.
Aap apne mureedo ko matke me Yamuna nadi se paani
bharkar dete the jis se un ki ALLĀH ke fazl se beemaari aur
takleef door ho jaati.
******************
Aap jab aalam me wajd me aa jaate to lohe ki salaakhon ko
aasaani se modkar use haar ya chudiyo ki shakl me tabdeel
kar dete.
******************
Hazrat Shaikh Jamaal-ud-deen Chishti Hanswi
rahmatullāhi alaihi ne aap ko ‘Baaz e Safed’ (White falcon)
ka laqab ata kiya tha. Aur jab Delhi tashreef laate to aap ke
yaha qayaam farmaate.
Hazrat Nizaam-ud-deen Auliya rahmatullāhi alaihi kai baar
aap ki mehfil e Sama me tashreef laate the.
******************
Aap Hazrat Haidar Qalandar al-Sawai rahmatullāhi alaihi ke
silsile se ta’alluq rakhte hain aur ‘Haidari Qalandar’
kehlaate hain.
Aap ke khalifa Hazrat Shaikh Raheem-ud-deen Iraqi
rahmatullāhi alaihi hain.
******************
Aap ka wisaal 21 Rajab 655 Hijri (August 1257 A.D.) ko
hua.
Aap ka mazaar Delhi me hai.
****************
ALLĀH ta’ala us ke Habeeb sallallāhu alaihi wa sallam ke
sadqe me
Aur Hazrat Shaikh Abu Bakr Tusi rahmatullāhi alaihi aur
tamaam Auliya Allāh ke waseele se
Sab ko mukammal ishq e Rasool ata farmae aur Sab ke
Eimaan ki hifaazat farmae aur Sab ko nek amal karne ki
taufiq ata farmae.
Aur Sab ko dunya wa aakhirat me kaamyaabi ata farmae
aur Sab ki nek jaa'iz muraado ko puri farmae.
Aameen.


JOIN WHATSAPP GROUP :-9096751100