TOPIC ( Ummul mo’mineen Hazarte Hafsa bint Umar radiy-Allāhu ta’ala anha : ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦)

Ummul mo’mineen Hazarte Hafsa bint Umar radiy-Allāhu
ta’ala anha :
♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦
♦ ♦ ♦ ♦
Aap ii wilaadat 606 A.D. me hui.
Aap ke waalid ka naam Hazrat Umar Faarooq ibn Khattab
radiy-Allāhu ta’ala anhu aur waalida ka naam Zainab bint
Maz'oon al-Jamuhi hai.
Aap Quraish ke Banu Adi qabeele se hain.
***************
Aap ka pehla nikaah Hazrat Khunais ibn Huzaifa al-Sahmi
se hua. Jinho ne pehle 7 Nabawi (616 A.D.) me Abyssinia
aur phir 622 A.D. me Madeena hijrat ki thi aur Jang e Badr
me bhi sharik hue the.
3 Hijri (August 624 .D.) me Hazrat Khunais ibn Huzaifa ka
inteqaal hone se aap sirf 18 saal ki umr me bewa hui.
Hazrat Umar Farooq ne Hazrat Abu Bakr Siddeeq radiy-
Allāhu ta’ala anhu ko Hafsa se nikaah ke liye guzarish ki
magar unho ne inkaar kiya. Phir Hazrat Umar Farooq ne ko
Hazrate Usmaan Ghani radiy-Allāhu ta’ala anhu ko Hafsa
se nikaah ke liye guzarish ki magar unho ne bhi inkaar
kiya.
Hazrat Umar Farooq radiy-Allāhu ta’ala anhu ne jab Huzoor
Rasool- Allāh sallallāhu alahi wa sallam se ye baat batai to
aap ne farmaaya ‘Hafsa ko Usmaan se behtar shohar
milega aur Usmaan ko Hafsa se behtar biwi milegi.’
Phir Sha’abaan 3 Hijri (624 A.D.) me Huzoor Rasool-Allāh
sallallāhu alahi wa sallam ne Hazrate Hafsa se nikaah kiya
tab Huzoor sallallāhu alahi wa sallam ki umr 56 saal thi.
Is tarah aap Huzoor Rasool-Allāh sallallāhu alahi wa
sallam ki chauthi zauja bani.
Hazrat Aa'isha bint Abu Bakr Siddeeq radiy-Allāhu ta’ala
anha se aap ki bahot achhi dosti thi.
***************
Ek baar kisi mas’ale par aap ne Huzoor sallallāhu alahi wa
sallam se puchh liya ke ‘Ya Rasool-Allāh sallallāhu alahi
wa sallam, Ye baat kaise mumkin hai?’ Huzoor sallallāhu
alahi wa sallam is par naraaz ho gaye. Tab Hazrate Jibr'eel
alaihis salaam me aakar ye paighaam sunaaya ke ‘Hafsa
ko waapas le lo ke wo kasrat se roza rakhti hai aur raat
bhar ibaadat karti hai aur wo jannat me bhi tumhare saath
hogi.’
Is ke baad kabhi aap ne Huzoor sallallāhu alahi wa sallam
ko kisi bhi baat par naraaz nahi kiya.
***************
Aap Haafiz e Qur’an thi.
Hazrat Abu Bakr Siddeeq radiy-Allāhu ta’ala anhu ke
zamaane me Hazrat Zaid ibn Saabit radiy-Allāhu ta’ala
anhu ne ashaaba ke saath Qur’an majeed ko jama karke
kitaab banaane ka kaam shuru kiya. Hazrat Umar Faarooq
radiy-Allāhu ta’ala anhu ke zamaane me jab Qur’an
majeed ko jama karne ka kaam mukammal hone aaya tab
us ki ek naql Hazrate Hafsa ko hifaazat ke liye di gai.
Hazrate Usmaan Ghani radiy-Allāhu ta’ala anhu ke
zamaane me jab alag alag mulko me Qur’an majeed ki naql
bhejna tay kiya gaya tab Hazarte Hafsa ke paas jo naql thi
ke zariye Qur’an ki dusri naql tayyaar ki gai.
***************
Aap ka wisaal 3 Sha’abaan 45 Hijri (666 A.D.) me hua.
Aap ka mazaar Jannatul Baqi, Madeena munawwara me
hai.
***************
ALLĀH ta’ala us ke Habeeb sallallāhu alaihi wa sallam ke
sadqe me
Aur Ummul Mo’mineen Hazrate Hafsa radiy-Allāhu ta’ala
anha aur Ahle bait ke waseele se
Sab ko mukammal ishq e Rasool ata farmae aur Sab ke
Eimaan ki hifaazat farmae aur Sab ko nek amal karne ki
taufiq ata farmae.
Aur Sab ko dunya wa aakhirat me kaamyaabi ata farmae
aur Sab ki nek jaa'iz muraado ko puri farmae.
Aameen.

JOIN SUNNI WHATSAPP GROUP :-9096751100