👉           NUMBER (9)          👈

👉Hum Hanafi Namaz Me Sure Fatiha Ke Bad Ahista Aameen Kehte Hain Aur Gair Muqallideen Zor Se.👈

Aur Silsile Me Wo Kuch Hadise Awam Ko Dikha Kar Ye Zahir Karna Chahte Hain Ki Hanfiyon Ki Namaz Durust Nahi Hai, Is Tarah Bholi Bhaali Awam Asaani Se Unke Fareb Ka Shikar Ho Kar Hanfiyat Se Bad-Zann Hone Lagti Hai.

Aaiye Is Maslae Aameen Ko Hum Puri Tarah Se Aapko Samjha Den Aur Dono Taraf Ki Dalilon Ka Ba-Nazre AMEEQ Jayezah Len.

Lafz Aameen Ka Tarjama Hai "AISA HI HO" Aur Aameen 1 Dua Hai Aur Dua Ahista Honi Chahiye Iska Saboot Quran O Hadees Se Pesh Hai.

Hazrat Musa Alaihissalam Ne Allah Ki Bargah Me Dua Kee, Jis Pe Hazrat Haroon Alaihissalam Ne Aameen Kaha Ispe Quran Me Irshad Hua.
"Tum Dono Ki Dua Qubool Hui"
{Para-11, Ruku-14, Sure Yunus Ayat-89}

Is Par Tafseer Ki Kitabon Me Aaya Hai.

Dar Asl Hazrat Musa Alaihissalam Dua Farma Rahe The Aur Hazrat Haroon Uspe Aameen Keh Rahe The Aur Allah Pak Ne Hazrat Haroon Ki Aameen Ko Bhi Dua Kaha.
📗{TAFSIRE DURRE MANSOOR Jild-3, Safah-107.. TAFSIRE KHAZIN Jild-2, Safah-306, TAFSIRE IBNE KASEER, Jild-1, Safah-31}

In Tasafeer Ko Gair Muqallideen Bhi Motabar Mante Hain Utha Kar Dekh Len.

Sahi Bukhari Me Hazrat ATAA Bin Abi Ribah Se Manqool Hai, Aameen 1 Dua Hai.
📚{Sahi Bukhari Jild-1, Safah-107}

Sabit Hua Ki Aameen Dua Hi Hai To Dua Ko Kis Tarah Mangana Chahiye Ye Bhi Hum Quran Se Hi Pata Karen.

QURAN:

Apne Rab Se Dua Karo Gid-Gidate Aur Ahistah Beshak Had Se Badhne Wale Use Pasand Nahi.
{Para-8, Ruku-14, Sure Araf Ayat-55}

Hazrat Zakriya Alaihissalam Jo Hazrat Maryam Ke Khalu Aur Allah Ke Nabi Hain Unki Dua Ka Haal Bayan Karte Huye Quran Me Aaya Hai.

QURAN:

Aur Pukara Usne Apne Rab Ko Ahistah.
{Para-16, Sure Maryam Ayat-3}

Aap Sahi Hadees Mangte Hain? Alhamdulillah Hum Ne Quran Se Hawale Pesh Kiye.

Imam Ke Sure Fatiha Pura Hone Par Imam Aur MUQTADI Sab Ko Ahista Aameen Kehna Chahiye, Is silsile Me Hadeese Pak Ka Irshad Padhen.

HADEES:

ALQUMA Apne Walid Wa'il Bin Hujr Se Riwayat Karte Hain. Huzoor Ne Padha, GAIRIL MAGDUBI ALAIHIM WALADDALEEN Aur Aapne Aameen Kaha Aur Aameen Kehne Me Awaz Ko Ahista Kiya.
📚{Tirmizi Sharif, Jild-1,Page-34}

Hadees:

Wa'il Bin Hujr Kehte Hain Mai Ne Huzoor Ke Saath Namaz Padhi Jab Aapne Waladdal'leen Kaha To Ahista Se Aameen Kaha.
📚{Musnade Imam Ahmad Bin Hambal, Hadis No-18756}

Isse Pehle Hum Ne Quran Ka Hawala Diya Aur Aaj 2 Hadisen Pesh Kee, Aameen Bissir (Ahista Aameen Kehna) Par.

Ab Aaiye Hum Gair Muqallideen Ka Haal Pata Karen, Jo Chilla Chilla Kar Masjidon Ka Sukoon Barbard Karte Hain, Unke Pas Kya Daleel Hai?

Gair Muqallideen Zor Se Aameen Kehne Par Is Hadis Ko Pesh Karte Hain.
HADEES:

Wail Bin Hujr Se Riwayat Hai Huzoor Ne Waladdal'leen Padha To Aameen Kaha Aur Awaz Ko Baland Kiya Mera Khayal Hai Ki Huzoor Hame Taleem De Rahe The.
{اعلاء السنن جلد-۲،صفحہ-۱۸۶}📚

Is Hadis Ko Gair Muqallideen Aksar Pesh Karte Hain, Jab Ke Isi Hadis Me Rawi Ka Kehna Hai Huzoor Me Taleem Dene Ke Liye Zor Se Aameen Kahi Taki Logo Ko Pata Chale Waladdal'leen Ke Bad Aameen Kehna Chahiye.

Ye Hadis Taliman Thi Na Ki Hamesha Ka Hukm.

Iske Ilawa Bhi 2-4 Hadise Gair Muqallideen Pesh Karte Hain Unka Bhi Haal Dekhen.

Dare Qutni Aur Hakim Ne Hazrat Abu HURAIRAH Se In Alfaz Me Hadis Naql Ki, Jab Huzoor Sure Fatiha Ki Qirat Se Farig Huye To Baland Awaz Se Aameen Kaha.

TEHQEEQ:

Is Hadis Me 1 Rawi Is'haq Bin Ibraheem Binil Ulaa Az'Zubaidi Hai, Siha Sitta Ke Mohaddiseen Ne Iski Riwayat Ko Nahi Liya Imam Nisai Uske Bare Me Kehte Hain LAISA BI SIQAH (لیس بثقہ) Ye Admi SIQAH Nahi Hai, Imam abu Dawood Kehte Han LAISA BI SHAIYIN Ye Koi Chiz Nahi. Mohammad Bin Aof Taai Ne is Riwayat Ko Jhutlaya.
📗{TALEEQ, Jild-1,Safah-93. Bazalul Majhood Sharah Abu Dawood, Jild-2, Page-102}

FROM:-🌹SUNNI HANFI GROUP🌹

IS GROUP ME ADD HONE KE LIYE IS NUMBER PE NAAM CITY TYPE KAR KE SEND KAR DE:-📲9096751100

FOR MORE POST:-👉mysunnihanfiaddress.blogspot.com