awaliyaALLAH POST

Hazrat Imaam Asaakir-ud-deen Abul Husain Muslim
rahmatullāhi alaihi :
♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦ ♦
Aap ki wilaadat 202 Hijri (817 A.D.) me Nishapur (Iran) me
hui.
Aap ke waalid ka naam Ḥhujjaaj bin Muslim hai.
Aap Arab ke Banu Quraish qabeele se ta’alluq rakhte hain.
**************
Aap ne Imaam Bukhari, Hazrat Mohammad bin Yahyā al-
Dhuli, Imaam Ahmad bin Hanbal, Abdullāh al Qarri,
Abdullāh bin Maslama, Qutaiba bin Sa'eed se taalim haasil
ki.
Aap ne ahaadees jama karne ke liye Hijaaz, Misr (Egypt),
Shaam (Syria) aur Iraq ka safar kiya.
Aap Hadees aur Fiqh ke maahir the.
****************
Aakhir me Aap ne Nishapur me sukoonat ikhtiyaar ki aur
taalim wa dars karte rahe.
Aap ke mash'hoor shaagird :
Haatim Razi, Ahrnad bin Salmah, Abu Eisa Tinnizi, Abu Bakr
bin Khuzaima.
****************
Hazrat Imaam Bukhari Mohaddees ke saath aap ke bahot
achhe ta'aalluqaat the.
Jab Motazila firqe ne apna aqeeda zaahir kiya ke ‘Qur'an
makhlooq hai’ tab Aap Imaam Bukhari ke saath Sunni
aqeede par rahe aur farmaaya ke ‘Qur’an majeed ALLĀH ka
kalaam hai.’
****************
Jab bad-mazhab log apni taraf se nai Ahadees banaane
lage aur ahadees me nai baaten milaane lage tab aap ne
musalmano ke liye Sahih Ahaadees ko jama karke us ki
kitaab tayyaar ki.
Aap ka maqsad Ahaadees ki hifaazat karna aur Qur’an aur
Hadees ki roshni me ahkaam e shariat ke masaa'il ka hal
bataana tha.
Aap ne tamaam zindagi hadees jama karne me aur logo tak
sahi ahaadees pahunchane me guzaari.
Aap muttaqi aur paaband e shariat the aur har amal Sunnat
e Rasool ke mutaabiq karte the.
Aap Shaafi mazhab ki taqleed karte the.
****************
Aap ki likhi hui mash'hoor kitaaben :’
(1) Al-Musnadu Al-Sahihu bi Naklil Adli (Sahih al-Muslim),
(7190 Ahaadees, 43 Jild)
(Jo Saha Sitta ya’ni Sahih ahaadees ki 6 mash'hoor kitaabo
me se 1 hai.)
(2) Al-Musnad al-Kabeer Alar-Rijaal
(3) Kitaab al-Jaami Alal al-Abwaab
(4) Kitaab al-Asmaa al-Kunaa
(5) Kitaab ut Tameez
(6) Kitaab ul Illal
(7) Kitaab ul Waahidaan
(8) Kitaab ul Afraad
(9) Kitaab ul Qur'an.
****************
Aap ka wisaal 25 Rajab 261 Hijri (May 875 A.D.) ko hua.
Aap ka mazaar Nasarabad, Nishapur (Iran) me hai.
****************
ALLĀH ta’ala us ke Habeeb sallallāhu alaihi wa sallam ke
sadqe me
Aur Hazrat Imaam Muslim rahmatullāhi alaihi aur tamaam
Auliya Allāh ke waseele se
Sab ko mukammal ishq e Rasool ata farmae aur Sab ke
Eimaan ki hifaazat farmae aur Sab ko nek amal karne ki
taufiq ata farmae.
Aur Sab ko dunya wa aakhirat me kaamyaabi ata farmae
aur Sab ki nek jaa'iz muraado ko puri farmae.
Aameen.

Join whatsapp group :-9096751100